تعزیتی ریفرنس کا انعقاد پاکستان سوشل سینٹر شارجہ نے بلا شرکت غیرے کیا تھا
مختلف طبقہ فکر سے تعلق رکھنے والے لوگوں اور سیاسی پارٹیوں کے کارکنوں کی شرکت
شیخ خلیفہ بن زاید النہیان کی خدمات کو خراج تحسین پیش کیا گیا اور دعائے مغفرت کی گئی
دوبئی(طاہر منیر طاہر)پاکستان سوشل سینٹر شارجہ میں متحدہ عرب امارات کے صدرشیخ خلیفہ بن زاید النہیان کے انتقال پر ایک تعزیتی ریفرنس کا انعقاد ہوا، جس کا اہتمام پاکستان سوشل سینٹر شارجہ کے صدر چودھری خالد حسین نے بلا شرکت غیرے کیا تھا۔
تعزیتی اجلاس میں مختلف طبقہ فکر سے تعلق رکھنے والے لوگوں اور سیاسی پارٹیوں کے کارکنوں نے بھی شرکت کی،اس موقع پر مرحوم کے لیے قرآن خوانی اور دعائے مغفرت کی گئی۔
تعزیتی اجلاس میں موجود لوگوں نے مرحوم صدر شیخ خلیفہ بن زاید النہیان کی وفات پر گہرے رنج و غم کا اظہار کیا اور رب کریم سے ان کی مغفرت اور درجات کی بلندی کے لئے خصوصی دعا کی۔