ریاض (وقار نسیم وامق) سعودی عرب میں ریاض کرکٹ لیگ کے صدر حنیف بابر نے کینیڈا سے تشریف لانے والے نامور شاعر اور ادیب اشفاق حسین کے اعزاز میں عشائیہ دیا جس میں ادبی تنظیم حلقہ فکروفن کے عہدیداروں کے علاوہ صحافیوں نے بھی شرکت کی۔
حنیف بابر نے محمد اشفاق کو سعودی عرب آمد پر خوش آمدید کہتے ہوئے کہا کہ سعودی عرب ہمارا دوسرا گھر ہے جبکہ دارالحکومت ریاض میں پاکستانی کمیونٹی نے ہمیشہ پاک سعودی تعلقات میں اہم کردار ادا کیا ہے اور یہاں رہتے ہوئے ایک گلدستے کی مانند ہیں جس نے ہمیشہ پاکستان کا مثبت چہرہ اجاگر کیا ہے اور ادب کے فروغ کے لئے حلقہ فکروفن نے ہمیشہ نمایاں کام کیا ہے اور ریاض کمیونٹی کو اچھے شعراء کرام کے کلام سے فیض یاب کیا ہے۔
عشائیے میں حلقہ فکروفن کے صدر ڈاکٹر ریاض چوہدری،ناظم الامور ڈاکٹر طارق عزیز،ظفر اقبال،عکاشہ مجاہد،یحییٰ اشفاق،ذکاءاللہ محسن شریک تھے۔