سعودی عرب میں مقیم لاکھوں پاکستانی ورکرز اور کاروباری حضرات ملکی سرمایہ ہیں،عبدالعلیم خان

مسلم لیگ ن سعودی عرب کے سیکرٹری جنرل جدہ مہر عبدالخالق لک کی جانب سے علیم خان کے اعزاز میں ظہرانہ

جدہ(خالد نواز چیمہ)مسلم لیگ ن سعودی عرب کے سیکرٹری جنرل جدہ مہر عبدالخالق لک نے لک ہاؤس میں پاکستان کی نامور سیاسی شخصیت علیم خان کے اعزاز میں پرتکلف ظہرانہ دیا۔جس کے مہمان خصوصی مرکزی سیکرٹری جنرل سعودی عرب ملک منظور حسین اعوان تھے۔

ظہرانے میں حافظ عبدالماجد ،مرکزی صدر مسلم لیگ ن یوتھ ونگ حافظ امان اللہ ،مہر ایوب لک ،پاکستان مسلم لیگ ن سعودی عرب کے مرکزی نائب صدر رانا محمد نواز خان ،مہر فیصل لک،مرکزی نائب صدر سعودی عرب چوہدری محمد شہباز ،پرل گروپ کے عہدے دار۔چوہدری عبدالرؤف ،ذکاء باجوہ، زبیر بابر،ایم اے عالم ،مہر محبوب لک،خالد نواز چیمہ محمد،عدیل ،مسعود لک جمیت علماء اسلام کے سجاد،فضل عباس ،رانا عبداللہ اور اہم سعودی اور پاکستانی شخصیات شریک تھیں ۔

ظہرانے کے شرکاء سے گفتگو کرتے ہوئے عبدالعلیم خان کا کہنا تھا کہ سعودی عرب اور پاکستان دیرینہ دوست ہیں جنھوں نے ہمیشہ ایک دوسرے کا بھرپور ساتھ دیا ہے اور سعودی عرب سرمایہ کاری کے حوالے سے جس طرح سے غیر ملکیوں کو سہولیات فراہم کر رہا ہے اس سے سعودی معیشت پر مزید مثبت اثرات مرتب ہونگے ۔

سعودی عرب میں مقیم لاکھوں ورکرز اور کاروباری پاکستانی ملکی سرمایہ ہیں جو ملک و قوم کی خدمت کا فریضہ انجام دے رہے ہیں ،ظہرانے کے اختتام پر چوہدری عبدالخالق لک اور مسلم لیگ ن سعودی عرب کے سیکرٹری جنرل ملک منظوراعوان نے عبدالعلیم خان کو تحائف سے نوازا ۔

عبدالعلیم خان آج عمرہ کی ادائیگی کرنے کے بعد مدینہ منورہ میں روضہ رسولؐ پر حاضری دینے کے لیے روانہ ہوجائیں گے۔