جدہ:فدا حسین کھوکھر کے برادر نسبتی امانت علی کی مسجد النبوی میں رحلت پر تعزیتی اجلاس

جدہ (خالدنوازچیمہ) پاکستانی کمیونٹی کے معروف بزنس مین سیاسی وسماجی شخصیت فدا حسین کھوکھر کے برادر نسبتی امانت علی کی مسجد النبوی میں رحلت پر تعزیتی اجلاس،پاکستان کے صنعتی شہر وزیر آباد کے رہائشی امانت علی جدہ سے خوش لباس تن کر کے سرکار کے روضہ رسول پر حاضری کے لئے نکلے۔

انکا کہنا تھا کہ ہم دنیاوی محفل میں بھی خوش لباس تن کر کے جاتے ہیں تو کیوں نا ہم روضہ رسول پر خوش لباس اور عطر لگا کر حاضری دیں ان کے قریبی عزیز کہنا تھا کہ وہ سچے عاشق رسولؐ تھے۔

ان کی خواہش تھی ربیع الاول کے مقدس مہینے میں مسجد النبوی میں اس دنیا سے کوچ کر جائوں یقیناً ہر ایک مسلمان کی خواہش ہوتی ہے مگر خوش نصیب لوگ ہی یہ سعادت پاتے ہیں اور امانت علی ان خوش قسمت لوگوں میں سے تھے جن کی وفات فجر کی نماز کی پہلی رکعت میں ہوئی۔

الله تبارك الله نے انکی اس خواہش کو پورا کیا اور مسجد النبوی میں انکا جنازہ پڑھایا گیا اور جنت البقیع میں سپرد خاک کیاگیا ،کمیونٹی کی سیاسی وسماجی عمائدین شخصیات نے فدا حسین کے برادر نسبتی امانت علی کی رحلت پر گہرے دکھ کا اظہار کیا اور فاتحہ خوانی بھی کی۔

یاد رہے کہ امانت علی نے اپنے پیچھے ایک بیٹا، دو بیٹیاں اور ایک بیوہ سوگوار چھوڑی ہے۔