ویانا(اکرم باجوہ) آسٹریا بھرمیں بدھ کے بعد اومیکرون سمندر کی لہروں کی طرح کورونا کیسز کو نئی بلندیوں پر لے کر جا رہی ہے! تقریباً 17000 نئے انفیکشن کو ایک مرتبہ پھر چھو رہی ہے۔
خطرناک صورتحال یہ ہے کہ بہت ہی کم وقت میں آسٹریا میں انفیکشن کی تعداد دوگنی یا تین گنا ہو گئی ہے۔ آسٹرین ماہرین کی اداس پیشن گوئیاں ا چا نک حقیقت بن گئیں ہیں۔ جمعہ کو 17006 نئے کورونا انفیکشن کے ساتھ ایک نئی ہمہ وقتی بلندی قائم ہوئی، جمعرات کو بھی تقریباً 16000 سے زائد کیسز سامنے آئے تھے۔
کرائسس مینجمنٹ ٹیم نے جمعہ 14 جنوری صبح 9.30 بجے تک ملک بھر میں 16822 نئے کورونا انفیکشن اور 7 اموات کی اطلاع دی۔
کورونا کی تعداد ڈرامائی سطح پر برقرار ہے اور چوتھی لہر سے یہ پانچویں لہر بہت زیادہ ہے جو دو مہینے پہلے نہیں تھی۔چوتھی لہر میں اس وقت ایک دن میں تقریباً 15800 نئے انفیکشن زیادہ سے زیادہ تھے۔ آسٹریا میں اسپتالوں کی صورتحال اب بھی مستحکم اور کنٹرول میں ہے لیکن اومیکرون سے متاثرہ افراد کی وجہ سے پہلی بار ایک بار پھر انفیکشن میں نمایاں اضافہ ہوا ہے۔ اس وقت ملک بھر کے ہسپتالوں میں 228 متاثرہ افراد تشویشناک حالت میں انتہائی نگہداشت میں زیر علاج ہیں۔وبائی مرض کے آغاز سے اب تک 13905 افراد کورونا وائرس کے انفیکشن کے نتیجے میں ہلاک ہو چکے ہیں۔
6.38 ملین آسٹرین کو 71.4 فیصد کو جمعہ تک ویکسینیشن کا تحفظ حاصل ہے۔ جمعرات تک 40 لاکھ سے زیادہ افراد کو 4006363 تیسری ویکسینیشن کا تحفظ حاصل ہے۔ نئے انفیکشن کا مطلب یہ ہے کہ ہفتہ وار اوسط میں اضافہ جاری ہے۔ اب پورے آسٹریا میں 117790 تصدیق شدہ فعال کیسز ہیں جو ایک دن پہلے کے مقابلے میں 10973 زیادہ ہیں۔