ریاض (وقار نسیم وامق)پاکستان پیپلزپارٹی ریاض ریجن کے صدر احسن عباسی کی رہائشگاہ پر بلاول بھٹو زرداری کی سالگرہ منائی گئی جس میں گلف مڈل ایسٹ کے نائب صدر وسیم ساجد، سعودی عرب کے جنرل سیکریٹری سردار رزاق، سعودی عرب کے نائب صدر سردار نصیر خان، نائب صدر سفیر احمد،ریاض ریجن کے نائب صدر ملک شفیق، نائب صدر ملک بخت محمد اور ریاض ریجن کے انفارمیشن سیکریٹری شریف بلوچ بھٹو کے علاوہ دیگر عہدیداران اور کارکنان نے شرکت کر کے بلاول بھٹو کے جنم دن کا کیک کاٹا اور نیک خواہشات کا اظہار کیا۔
اس موقع پر شرکاء کا کہنا تھا کہ بلاول بھٹو زرداری نوجوان سیاسی رہنما ہیں اور عوامی لیڈر ہیں جنھوں نے اپنی سیاسی تربیت کو بھرپور انداز کے ساتھ منوایا ہے اور پارلیمانی سیاست میں کردار ادا کیا ہے بلاول بھٹو زرداری پاکستانی نوجوانوں کی توانا آواز ہیں اور ان کی ترقی کے بارے میں جہاں بلاول سوچ رکھتے ہیں وہیں ایک وسیع وژن کے حامل بھی ہیں جس سے ہمارا پاکستانی نوجوان پاکستان کے اندر اور بیرون ممالک ترقی کی منازل طے کرے گا۔
شرکاء نے مزید کہا کہ پیپلزپارٹی عوامی جماعت ہے اور آئین کے مطابق ملک کو چلانے کی خواہاں ہے جس سے ملک کے تمام طبقات کی فلاح و بہبود وابستہ ہے ہم آصف علی زرداری اور بلاول بھٹو زرداری کی قیادت میں متحد اور جیت کی جانب پرعزم ہیں۔