ریاض(وقار نسیم وامق) سعودی عرب میں پیپلز یوتھ آرگنائزیشن ریاض ریجن کے عہدیداروں کا اعلان کر دیا گیا، پیپلز یوتھ آرگنائزیشن سعودی عرب کے صدر احتشام جاوید کوہلی نے نوٹیفکیشن جاری کرتے ہوئے قریب اللہ کو پیپلز یوتھ آرگنائزیشن ریاض ریجن کا صدر جبکہ شعیب طارق کو جنرل سیکرٹری نامزد کیا ہے۔
دیگر عہدیداروں میں پرویز خان سنئیر نائب صدر، خوشحال دلپزیر انفارمیشن سیکرٹری، شاہنواز خان میڈیا کوارڈینیٹر ،باسط طفیل نائب صدر، جاوید راجپور کو نائب صدر نامزد کیا گیا ہے۔
ریاض ریجن کی نئی ایگزیکٹو باڈی کے ارکان کا کہنا ہے کہ وہ پیپلزپارٹی بلاول بھٹو زرداری کا ہراول دستہ ہیں اور دیارِ غیر میں رہتے ہوئے پیپلزپارٹی کے منشور کی تشہیر کے علاوہ پارٹی کے دیگر امور میں اپنی خدمات سرانجام دیتے رہیں گے۔
انہوں نے مزید کہا کہ پیپلزپارٹی کے لیڈران نے ہمیشہ ملک و قوم کی بہتر انداز کے ساتھ خدمت کی ہے اور ہم ذوالفقار علی بھٹو شہید، محترمہ بینظیر بھٹو شہید کی سیاست اور وژن کے لئے سابق صدر آصف علی زرداری اور بلاول بھٹو زرداری کے ساتھ کھڑے ہیں۔