پروگرام میں پاکستانی فیملیز کی بھرپورشرکت،مقامی گلوکاروں نے ملکہ ترنم نورجہاں کے گانے گا کر خوب سماں باندھا
میڈیم نورجہاں موسیقی کی دنیا کا بڑا نام تھیں جنھوں نے پوری دنیا میں پاکستان کا نام روشن کیا،نوشین وسیم
جدہ(امیر محمد خان سے)نوشین کلچرل آرٹ سینٹر کی جانب سے جدہ میں ملکہ ترنم نورجہاں کو خراج تحسین پیش کرنے کیلئے انکے گیتوں پر مشتمل موسیقی کے پروگرام منعقد ہوا جس میں پاکستانی فیملیز کی بڑی تعداد نے شرکت کی اور ملکہ ترنم نورجہاں کو خراج عقیدت پیش کیا۔
تقریب میں مقامی گلوکاروں نے ملکہ ترنم نورجہاں کے گانے گا کر خوب سماں باندھا جن کو حاضرین نے خوب سراہا، خواتین میڈیم نورجہاں کی طرز پر لباس زیب تن کیے ہوئے تھیں۔
اس موقعہ پر نوشین وسیم کا کہنا تھا کہ ہمیں اپنے قومی ہیروز کو یاد رکھنے کی ضرورت ہے اور میڈیم نورجہاں موسیقی کی دنیا کا بڑا نام تھیں جنھوں نے پوری دنیا میں پاکستان کا نام روشن کیا اور ہمیشہ پاکستان میں موسیقی کے فروغ کے لئے گراں قدر خدمات انجام دیں۔
رنگا رنگ پروگرام میں عشائیہ کے علاوہ پان اور پھولوں کے گجرے پیش کئے گئے،نوشین وسیم نے سعودی عرب میں کوکنگ مقابلے میں انعام حاصل کرنے والی پاکستانی شیف بناشعیب کو مبارک باد پیش کی ۔اس موقع پر پاکستان کے سیلاب کے حوالے فلم دکھائی گئی۔
نوشین وسیم نے سیلاب کی تباہ کاریوں کا ذکر کرتے ہوئے مہمانوں سے درخواست کی کہ سیلاب زدگان کی مدد کیلئے جتنا سامان پاکستان بھیج سکتے ہیں بھیجیں، اس موقع پر ٹک ٹاک کارگو نے امدادی سامان پاکستا ن مفت بھیجنے کا اعلان کیا ۔پاکستان جرنلسٹ فورم نے نوشین آرٹ کلچرل کی ٹیم کی کوششوں کی تعریف کی۔