تعزیتی ریفرنس کا انعقاد پاکستان ایسوسی ایشن دبئی میں PJF نے کیا
پاکستان جرنلسٹس فورم PJF کے آفیشلزاورپاکستان ایسوسی ایشن دبئی کے صدر ڈاکٹر فیصل اکرام کی شرکت
سہیل خا ورسے اظہار تعزیت،لواحقین سے اظہار ہمدردی اور مرحومہ کے لئے دعائے مغفرت کی گئی
دبئی (طاہر منیر طاہر) پاکستان جرنلسٹس فورم کے نائب صدر سہیل خا ور کی والدہ کے انتقال پرپاکستان ایسوسی ایشن دبئی میں تعزیتی اجلاس ہوا جس کا اہتمام پاکستان جرنلسٹس فورم PJF نے کیا۔
تعزیتی اجلاس میں پاکستان ایسوسی ایشن دبئی کے صدر ڈاکٹر فیصل اکرام اور پاکستان جرنلسٹس فورم کے ارکان و ممبران اشفاق احمد صدر، سہیل خاور، عارف شاہد، خالد محمود گوندل، سعدیہ عباسی، ارشد انجم، حافظ زاہد علی، راجہ اسد، سبط عارف، منظوربھٹی، احمد قریشی اور طاہر منیر طاہرنے شرکت کی۔
اس موقع پر پاکستان ایسوسی ایشن دبئی کے صدر ڈاکٹر فیصل اکرام نے کہا کہ ماں کا کوئی نعم البدل نہیں ہوتا، ماں کی دعائیں انسان کا مقدربدل دیتی ہیں اور دنیاوی خرافات سے محفوظ رکھتی ہیں۔
جن کے والدین زندہ ہیں وہ خوش نصیب ہیں، انہیں چاہیے کہ وہ والدین کی خدمت کریں اور ان کی دعائیں لیں، تعزیتی اجلاس میں شریک تمام لوگوں نے سہیل خاور سے اظہار تعزیت کرتے ھوئے کہا کہ کہ غم کے اس وقت میں ہم آپ اور آپ کے اہل خانہ کے ساتھ ہیں۔اجتماعی دعا میں مرحومہ کے لیے دعائے مغفرت اور لواحقین کے لیے دعائے صبر جمیل کی گئی۔