پروگرام میں پاکستان کے مشہور نوجوا ن گلوکار کیفی خلیل اور عابدہ حسین شرکت کرینگے
جدہ (امیر محمد خان سے) نوشین کلچرل اینڈ آرٹ سوسائٹی کی پہلی سالگرہ پر جدہ میں ایک شاندار گیتوں کا پروگرام منعقد کیا گیاہے جس میں پاکستانی گلوکار اپنے مشہور گیت پیش کرینگے ۔
رنگا رنگ پروگرام میں شرکت کیلئے ہوٹل کی تمام نشستیں پوری ہوچکی ہیں۔سالگرہ کے پروگرام میں پاکستان کے مشہور نوجوا ن گلوکار کیفی خلیل اور عابدہ حسین پاکستان سے آرہے ہیں جبکہ سعودی عرب کے پاکستانی گلوکار سلیم رفیق شرکت کررہے ہیں ۔
نوشین کلچرل آرٹ سینٹر نے اس سال بہترین تفریحی پروگرام پیش کئے ہیں جس میں پاکستانی کمیونٹی نے بھر پور شرکت کرکے پروگراموں کو کامیاب بنایا ۔
کلچرل سینٹر کے تفریحی پروگرام بغیر کسی فائدہ و نقصان کی بنیاد پر ہوتے ہیں اور پاکستانی کمیونٹی ان پروگراموں کا انتظار کرتی ہے۔ آرٹ سینٹر کے پروگراموں سعودی عرب میں پاکستانی صحافیوں کی دیرینہ تنظیم پاکستان جرنلسٹس فورم اور پاکستان سے پرائم آکیڈ بھر پور تعاون کرتے ہیں۔