لندن (شوبز نیوز) پاکستانی معروف اداکارہ سجل علی نے اپنی پہلی بین الاقوامی کامیڈی فلم” واٹس لو گوٹ ٹو ڈو وداٹ "کے یوکے پریمیئر میں شرکت کی۔
تفصیلات کے مطابق یوکے پریمیئر میں ستاروں سے سجےاس ایونٹ میں للی جیمز، ایما تھامسن، ہدایتکار شیکھر کپور، مصنف جمائما گولڈ اسمتھ اور دیگر سمیت فلم کی پوری کاسٹ نے شرکت کی۔
سجل نے بین الاقوامی پریمیئر کے لیے اپنا روایتی روپ دھارے رکھا۔ اس نے اونچی گردن والی قمیض کے ساتھ ایک خوبصورت نیوی بلیو رنگ کا مخمل گھرارا پہنا ہوا تھا۔جس میں وہ نہایت خوبصورت لگ رہی تھی۔
سجل علی نےمیڈیا سے بات کرتے ہوئے کہا کہ فلم دیکھنے کے بعد لوگ یہ سیکھیں گے کہ محبت میں پڑنے کے بجائے محبت میں کیسے اضافہ کیا جائے ۔انہوں نے مزید کہا کہ مجھے لگتا ہے کہ فلم میں ان کا کردار میمونہ ہزاروں پاکستانی اور جنوبی ایشیائی لڑکیوں کا چہرہ ہے اور وہ ان سب کو بہت طاقت اور ہمت دینے والی ہے ۔
بھارتی معروف فلمساز شیکھر کپورہدیتکاری اور جمائما گولڈ اسمتھ کی تحریر کردہ یہ ایک دستاویزی فلم ہے۔