مرحوم علم وحلم سے آراستہ محقق، شاعر، کالم نگاراور لکھنے پڑھنے والی شخصیت تھے
الله تعالیٰ مرحوم کو اپنے جوار رحمت میں جگہ دے۔آمین،میاں غلام محی الدین
دبئی (طاہر منیر طاہر) پاکستان مسلم لیگ ن دبئی کے سینئر نائب صدر میاں غلام محی الدین نےعلامہ رضا الدین صدیقی کے انتقال پر اظہار تعزیت کرتے ھوئے کہا ہے کہ مرحوم علم وحلم سے آراستہ محقق، شاعر، کالم نگاراور لکھنے پڑھنے والی شخصیت تھے۔
آپ کے انتقال سے ایک باعمل شخصیت دنیا سے رخصت ہو گئی ہے، آپ کے انتقال سے ایک اچھی شخصیت کا خلاء پیدا ہو گیا ہے۔
میاں غلام محی الدین نے کہا کہ علامہ رضا الدین صدیقی انجمن طلبہ اسلام کے سابق رہنما، سابق نائب ناظم پنجاب، سابق رکن مرکزی مجلس مشاورت، انجمن کی رہبر کونسل کے تصور کے خالق، سیدی ضیاء الامت نباض عصر پیر محمد کرم شاہ ازہری رحمہ اللّٰہ کے ہونہار شاگرد تھے۔
علامہ رضا الدین صدیقی دل کے عارضے میں مبتلا رہنے کے بعد نیو یارک میں وصال فرما گئے تھے۔ اللہ تعا لیٰ ان کی تنظیمی، علمی و دینی خدمات قبول فرمائے اور ان کے درجات بلند فرمائے۔آمین