دبئی کاروباری حب بن گیا ہے ،ترقی کے بے پناہ مواقع موجود ہیں، شرجیل خان سی ای او آئی پوائنٹ موبائل
تقریب میں ٹک ٹاک سٹارز نے فیتہ کاٹا ،شریک مہمانوں کو آئی پوائنٹ کی جانب سے گلدستے اور تحائف پیش کئے گئے
دبئی ( طاہرمنیر طاہر) دبئی میں آئی پوائنٹ موبائل شاپ کا افتتاح کیا گیا جس میں پاکستانی ٹک ٹاکرز کی کثیر تعداد نے شرکت کی،اس موقع پر آئی پوائنٹ کے سی ای او شرجیل نے مہمانوں کو خوش آمدید کہا اور اس امر کا اظہار کیا کہ بڑی خوشی کی بات ہے کہ آج دبئی مینا بازار میں اپنی دوسری برانچ کا افتتاح کررہے ہیں کوشش ہے کہ آئی پوائنٹ کو موبائل کی خرید و فروخت کا با اعتماد ادارہ بنائیں۔
ہم اس کی مزید برانچز پورے امارات میں کھولنے کا ارادہ رکھتے ہیں،ہم صرف ایپل برانڈ کا کام کرتے ہیں جبکہ یو اے ای بالخصوص دبئی میں کاروبار کی کامیابی کیلئے بے پناہ مواقع موجود ہیں اور یہاں پر ہر کوئی محنت سے اپنے کاروبار کو ترقی کی جانب گامزن کر سکتا ہے۔
افتتاحی تقریب میں امارات کے معروف ٹک ٹاکر اسٹار بڑے بھائی چھوٹے بھائی نے بھی خصوصی شرکت کی اور شرجیل خان کو نئی برانچ کے افتتاح کی خوشی میں مبارکباد دی اور نیک تمناؤں کا اظہار کیا۔
زم زم موبائل کے محمد فاروق نے بھی آئی پوائنٹ کی برانچ کھولنے پر مبارکباد پیش کی، ٹک ٹاک اسٹارز جن کا تعلق پاکستان اور دیگر ممالک سے ہے انہوں نے بھی شرجیل خان کو آئی پوائنٹ کے افتتاح پر مبارک باد دی ۔
انہوں نے کہا کہ دبئی میں پاکستانیوں نے مختلف شعبو ں میں کامیابی کے جھنڈے گاڑھے ہوئےہیں اور خوشی ہے کہ پاکستانی ترقی کیطرف گامزن ہیں۔