فرزانہ کوثر کوپی ایم ایل این کی سوشل میڈیا ٹیم کا ہیڈ مقرر ہونے پر مبارکباد اور قیادت پر مکمل اعتماد کا اظہار
سوشل میڈیا ٹیم کے چیئرمین ڈاکٹرمحبوب احمد، جوائنٹ ہیڈ رانا فیصل ریاض، ڈپٹی ہیڈ رانا نعیم احمد اور اسسٹنٹ ہیڈ ابُو شازل ہوں گے
مسلم لیگ ن کی مقبولیت کے لئے تمام سوشل میڈیاز کا بھر پور استعمال کیا جائے گا
دبئی (طاہر منیر طاہر) پاکستان مسلم لیگ ن سوشل میڈیا ٹیم یو اے ای چیپٹرکا اجلاس سوشل میڈیا ٹیم کی ہیڈ فرزانہ کوثرکی زیر قیادت منعقد کیا گیا جس میں سوشل میڈیا ٹیم کے چیئرمین ڈاکٹرمحبوب احمد، جوائنٹ ہیڈ رانا فیصل ریاض، ڈپٹی ہیڈ رانا نعیم احمد، اسسٹنٹ ہیڈ ابُو شازل، رانا شازیب حسن، محمد عامر بھٹی، محمد عاصم محمود، چوہدری نواز سمو، چوہدری عبدا لرزاق گوندل، ملک فرحان پرویز، ملک توثیر، جہانزیب اختر اور دیگر ٹیم ممبرز شریک ھوئے۔
اجلاس میں مختلف کمیٹیز (رکنیت اور نظم و ضبط کمیٹی، مواد اور ٹرینڈ کمیٹی، تحقیق و ترقی کمیٹی، مدر ونگ، ایس ایم ٹی کے درمیان کوآرڈینیشن کمیٹی، ایس ایم ٹی ٹائیگرز کمیٹی، گرافکس کمیٹی) اور سوشل کے تمام میڈیمز ٹوئیٹر، فیس بک، ٹک ٹاک، انسٹا گرام، یوٹیوب اور واٹس ایپ ٹیموں کی تشکیل دی گئی اور ٹیمز انچارج کے نام فائنل کئے گئے۔
باہمی مشاورت اور متفقہ رائے سے ٹویٹر اور یو ٹیوب ٹیم کے لئے فرزانہ کوثراور رانا فیصل ریاض، فیس بک اور انسٹاگرام ٹیم کے لئے رانا نعیم احمد، ٹک ٹاک ٹیم کے لئے عامر بھٹی اور توصیف احمد کام کریں گے،اس موقع پرسوشل میڈیا ٹیم کی ہیڈ فرزانہ کوثر نے SMT کے ارکان سے کہا کہ وہ پاکستان مسلم لیگ ن کے قائد محمد نواز شریف کے بیانیے کو آگے بڑھانے، مسلم لیگ کی عوام میں مزید مقبولیت، ن لیگ کا ووٹ بینک بڑھانے، استحکام پاکستان کی مضبوطی اور مسلم لیگ کے خلاف ہونے والے پروپیگنڈے کا موثر جواب دینے کے لئے سوشل میڈیا کا بھر پور استعمال کریں۔
انہوں نے سوشل میڈیا ٹیم کےانچارج ارکان سے کہا کہ وہ کوئی بھی پوسٹ کرتے ھوئے مقامی قوانین کا بھی احترام کریں اور اخلاقیات کے دائرے میں رہیں، فرزانہ کوثر نے کہا اس وقت یو اے ای چیپٹرکی سوشل میڈیا ٹیم میں کام کرنے کی توانائی سے بھر پور نوجوان موجود ہیں جبکہ مزید لوگ ہمارے ساتھ شامل ہو رہے ہیں جو مسلم لیگ ن کا سرمایا ہیں۔
اس موقع پر اجلاس میں شریک تمام ممبران کو اظہار رائے کا موقع بھی دیا گیا جس میں تمام ممبران نے با ری باری اظہار رائے کیا اور SMT کو کامیابی سے ہمکنار کرنے کے لئے اپنے اپنے گراں قدر مشورے دیے۔
اجلاس میں شریک سب لوگوں نے سوشل میڈیا ٹیم کو مبارکباد دی اورفرزانہ کوثرکی قیادت پرمکمل اعتماد کا اظہار کیا۔