پاکستان قدرتی وسائل سے مالا مال ہے، وقت کی ضرورت ہے کہ انہیں دانشمندی سے استعمال کیا جائے، ارشد خان تنولی

مظفرآباد ٹائیگرز کیلئے ابھرتے ہوئے نوجوان ٹیلنٹ کو تلاش کرنے کیلئے متحدہ عرب امارات کا دورہ کیا جا رہا ہے

اوورسیز پاکستانی رئیل اسٹیٹ سیکٹر میں پاکستان میں سرمایہ کاری کریں، ارشد خان تنولی سی ای او اسلام آباد ایسوسی ایٹس

وہ متحدہ عرب امارات میں مظفرآباد ٹائیگرز کی کٹ لانچ کرنے کی بھی خواہش رکھتے ہیں

دبئی (طاہر منیر طاہر) پاکستان قدرتی وسائل سے مالا مال ہے جو بہت تیزی سے خراب ہو رہے ہیں۔ پاکستان میں کاروبار کے بے شمار مواقع موجود ہیں بشرطیکہ انہیں دانشمندی اور بروقت استعمال کیا جائے۔

اسلام آباد ایسوسی ایٹس رئیل اسٹیٹ سیکٹر سے وابستہ ارشد خان تنولی نے اپنے دورہ متحدہ عرب امارات کے دوران اپنے اعزاز میں دئیے گئے ایک عشائیہ کے دوران کیا جس کا اہتمام READ Pakistan – UAE کے صدر یاسر امتیاز اعوان نے کیا تھا۔

ارشد خان تنولی پاکستان کے رئیل اسٹیٹ سیکٹرمیں اچھا نام رکھتے ہیں، انہوں نے اسلام آباد میں دو پراجیکٹس کو ان کی طے شدہ ٹائم لائن سے پہلے ڈیلیور کیا ہے۔ انہوں نے خواہش ظاہر کی کہ بیرون ملک مقیم پاکستانی رئیل اسٹیٹ سیکٹر میں پیش کیے جانے والے پراجیکٹس پر مستعدی کے بعد پاکستان میں سرمایہ کاری کریں۔

ارشد خان تنولی مظفرآباد ٹائیگرز کے چیئرمین بھی ہیں اور سپورٹس کے فروغ کےلئے کام کرتے رہتے ہیں، اس سلسلہ میں ارشد خان تنولی نے کہا کہ وہ اپنی ٹیم مظفرآباد ٹائیگرز کےلئے ابھرتے ہوئے نوجوان ٹیلنٹ کو تلاش کرنے کے لئے متحدہ عرب امارات کا دورہ کر رہے ہیں۔

وہ متحدہ عرب امارات سے کم از کم دو کھلاڑیوں کو شامل کرنا چاہتے ہے۔ مسقط اومان کی قومی کرکٹ ٹیم کا ایک کھلاڑی پہلے ہی مظفرآباد ٹائیگرز کے لئے کھیل رہا ہے۔ وہ متحدہ عرب امارات میں ٹیم مظفرآباد ٹائیگرز کےلئے نئی کٹ لانچ کرنے کی بھی خواہش رکھتے ہیں۔

ارشد تنولی نے کہا کہ کشمیریوں کی کافی تعداد متحدہ عرب امارات میں مقیم ہے۔ کشمیر پریمیر لیگ کا اگلا سیزن دو ماہ میں شروع ہونے والا ہے۔ انہیں امید ہے کہ اس بار ٹیم مظفرآباد ٹائٹل کی واپسی کے لئے کوشش کرے گی۔ اپنے اعزاز میں عشائیہ کے اہتمام پرارشد خان تنولی نے میزبان یاسر امتیاز اعوان کا شکریہ ادا کیا۔