سوئٹزرلینڈ (نمائندہ خصوصی) سوئٹزرلینڈ میں آمد ماہ میلاد مصطفیؐ کی خوشی میں پاکستانی لوزان کمیونٹی کے زیر اہتمام عالمی پانچویں سالانہ عظیم الشان میلاد مصطفیؐ کانفرنس مقامی ریسٹورنٹ میں ہوئی جس کے مہمانان خصوصی صاحبزادہ سید علی جیلانی اور سعید اقبال قادری تھے۔
محفل کا آغاز تلاوت قرآن پاک سے کیا گیا جس کی سعادت سید علی جیلانی نے حاصل کی۔ سوئس کے مشہور نعت خواں ریاض الدین قصوری ، ڈاکٹر خالد پنی ، سید زین جیلانی،عمران مزمل ، احمد ریاض الدین اور سید علی جیلانی نے رسولؐ کی بارگاہ میں عقیدت کے پھول نچھاور کئے ۔
اسٹیج سیکرٹری کے فرائض سید علی جیلانی نے ادا کئے، خصوصی خطاب منہاج القرآن سوئٹزر لینڈ کے صدر سعید اقبال قادری نے کیا ۔ سعید اقبال قادری نے اپنےمخصوص انداز میں حضورؐ کی ولادت باسعادت پر سحر انگیز بیان کیا۔
آپ نے آپؐ کی شان کو قرآن و حدیث کی روشنی میں ایسا پرویا ہر آنکھ اشک بار ہو گئی اور محفل لبیک یارسولؐ کے فلک شگاف نعروں سے گونج اٹھی۔ سید علی جیلانی نے بھی مختصر خطاب کیا اور اپنے خطاب میں بڑا ہی بامعنی پیغام دیا ان کا کہنا تھا آج اگر ہم نے اپنی نسلوں کو بچاناہے تو ہمیں حضورؐ کا دامن تھام لینا چاہیے۔
سید علی جیلانی نے رقت آمیز دعا فرمائی خصوصی طور پر جنہوں نے خوبصورت محفل میلاد کا انعقاد کیا۔ چیف کوارڈینیٹر پاکستان اوورسیز الائنس فورم سوئٹزرلینڈ چوہدری علی حسن چاندی نے محفل میں آنے والے تمام مہمانوں کا شکریہ ادا کیا اور اپنے بیان میں کہا ہم اسی طرح حضورؐ کی محفلیں سجاتے رہے گے۔
آخر میں مہمانوں کے لئے انتہائی شاندار ضیافت کا اہتمام کیا گیاجبکہ عظیم الشان محفل کے چیف آرگنائزر چوہدری علی حسن چاندی ،اعجاز گجر ، شمیل چیمہ ، سردار طاہر صدیق ، محمد طاہر قریشی، محمد انور گجر ، بیگ انور مرزا چیئرمین اے بی تھے۔