دبئی(تارکین وطن نیوز)قومی کرکٹر شعیب ملک نے اپنے بیٹے اذہان مرزا ملک کی تیسری سالگرہ کی تقریب کی تصاویر سوشل میڈیا پر شیئر کردیں۔
شعیب ملک نے اپنے تصدیق شدہ ٹوئٹر اکاؤنٹ پر اپنے بیٹے کی سالگرہ کی تقریب کی تصویریں شیئر کی ہیں جوکہ گزشتہ روز دبئی میں منائی گئی۔
– Good time spent with family & friends on Izhaan's 3rd birthday celebrations. Thankyou all for joining and making it more special for us ❤️ #HappyBirthdayIzhaan pic.twitter.com/VaRLcCnguB
— Shoaib Malik ?? (@realshoaibmalik) October 30, 2021
اذہان مرزا ملک کی سالگرہ کی تقریب میں دیگر قومی کرکٹرز کی فیملیز نے بھی شرکت کی۔
تصاویر میں اذہان مرزا ملک کو کیک کاٹتے ہوئے دیکھا جاسکتا ہے اور پھر اُن کے والدین اُنہیں کیک کھلاتے ہیں۔
شعیب ملک نے ایک تصویر حسن علی کی فیملی کے ساتھ بھی شیئر کی جس میں اُن کی اہلیہ اور بیٹی بھی موجود ہیں۔
قومی کرکٹر نے اپنے ٹوئٹ میں لکھا کہ ’اذہان کی تیسری سالگرہ کی تقریب میں فیملی اور دوستوں کے ساتھ اچھا وقت گزارا۔‘
اُنہوں نے اپنے ساتھی کرکٹرز سے مخاطب ہوتے ہوئے کہا کہ ’تقریب میں شامل ہونے اور اسے ہمارے لیے مزید خاص بنانے کے لیے آپ سب کا شکریہ۔‘
یاد رہے کہ شعیب ملک اور ثانیہ مرزا 12 اپریل 2010 میں شادی کے بندھن میں بندھے تھے۔