دنیا کی سب سے بڑی آئی ٹی نمائش GITEX دبئی کے ورلڈ ٹریڈ سینٹر میں شروع ہو گئی

پاکستان کی GITEX میں 27 کمپنیاں اور 45 سے زیادہ اسٹارٹ اپ نمائش کیلئے موجود ہیں

ہمارا برانڈ Tech Destination Pakistan GITEX گلوبل 2023 میں نظر آنیوالے سب سے بڑے برانڈز میں سے ایک ہے،نگران وفاقی وزیر برائے آئی ٹی

پاکستانی لاؤنج کا افتتاح سفیر پاکستان فیصل نیاز ترمذی اورنگران وفاقی وزیرڈاکٹر عمر سیف نے کیا

دبئی (طاہر منیر طاہر) انفارمیشن ٹیکنالوجی کی سب سے بڑی نمائش گلف انفارمیشن ٹیکنالوجی ایگزیبیشن GITEX کا افتتاح 16 اکتوبر2023 کو دبئی کے ٹریڈ سینٹر میں ہو گیا، اس پانچ روزہ نمائش میں 170 سے زائد ممالک اور 6000 کمپنیاں شرکت کر رہی ہیں، یہ نمائش 16 سے 20 اکتوبر 2023 تک جاری رہے گی۔

GITEX میں پاکستان بھی بھر پور انداز میں شرکت کر رہا ہے، GITEX میں 27 پاکستانی کمپنیاں اور 45 سے زیادہ اسٹارٹ اپ نمائش کر رہے ہیں، GITEX میں پاکستانی لاؤنج کا افتتاح سفیر پاکستان فیصل نیاز ترمذی اورنگران وفاقی وزیرڈاکٹر عمر سیف نے کیا۔

اس موقع پر ڈاکٹر عمر سیف، نگران وفاقی وزیر برائے آئی ٹی اور ٹیلی کمیونیکیشن نے کہا کہ ہمارے پاس ہمارا برانڈ Tech Destination Pakistan GITEX گلوبل 2023 میں نظر آنے والے سب سے بڑے برانڈز میں سے ایک ہے، نگران وفاقی وزیر نے کہا کہ حکومت پاکستان کی فعال پالیسیوں کی وجہ سے ہے۔

آج پاکستان کی آئی ٹی ایکسپورٹ 2.6 بلین امریکی ڈالر سالانہ ہے جس کے اگلے 2-3 سالوں میں بڑھ کر 10 بلین امریکی ڈالر تک پہنچنے کا امکان ہے۔ ورلڈ ٹریڈ سینٹر دبئی میں GITEX Global میں پاکستان پویلین کے افتتاح کے موقع پر خطاب کرتے ہو ئے وفاقی وزیر نے کہا کہ GITEX دبئی میں دو مقامات پر منعقد ہو رہا ہے جہاں پاکستان میں، آئی ٹی کی برآمدات اور سٹارٹ اپس نے حالیہ برسوں میں تیزی سے اضافے کا رحجان دکھایا ہے، صنعت کی حوصلہ افزائی کےلئے پاکستان خصوصی ٹیکنالوجی زونز قائم کر رہا ہے۔

تقریباً 5-7 ٹیکنالوجی زونز تیار ہیں جبکہ دو ٹیکنالوجی زونز پہلے ہی کام کر رہے ہیں، ان ٹیکنالوجی زونز میں ٹیکنالوجی کمپنیاں، آؤٹ سورسنگ کمپنیاں، اسٹارٹ اپس، مالیاتی ادارے اور ریئل اسٹیٹ ڈویلپرز ہوں گے جو ٹیکنالوجی کے بنیادی ڈھانچے کی تعمیر کے قابل ہوں گے۔

ڈاکٹر سیف نے کہا کہ مزید برآں ہم پاکستان میں آن لائن کام کرنے والے 500,000 فری لانسرز کو ایڈجسٹ کرنے کے لیے ضروری انفراسٹرکچر کے ساتھ کام کرنے کی جگہیں بھی بنا رہے ہیں۔ انہوں نے مزید بتایا کہ پاکستان میں آئی ٹی میں دوسری سب سے بڑی آن لائن فری لانسنگ ورک فورس ہے۔

پاکستان میں اسٹارٹ اپس کے بارے میں بات کرتے ہوئے ڈاکٹر عمر سیف نے کہا کہ پاکستان میں اسٹارٹ اپس میں پہلے ہی 800 بلین امریکی ڈالر کی سرمایہ کاری کی جاچکی ہے۔ یہ پاکستان کے آئی ٹی اور اسٹارٹ اپ سیکٹر میں صلاحیت کو ظاہر کرتا ہے۔

تقریب کو سراہتے ہوئے، ڈاکٹر عمر سیف نے کہا کہ GITEX پاکستانی نمائش کنندگان کو صنعت کے اہم کھلاڑیوں کے ساتھ بات چیت اور نیٹ ورک کرنے، کاروباری مواقع تلاش کرنے اور دنیا بھر میں ہونے والی اہم پیش رفتوں کو جاننے کے لیے ایک مثالی پلیٹ فارم فراہم کرتا ہے۔