خواجہ عبدالوحید پال کا انتقال پاکستان میں ہوا، وہ کچھ عرصہ سے علیل تھے
وہ مسلم لیگ ن کے دیرینہ اور پکے ساتھی تھے، اہم عہدوں پر بھی فائز رہے
خواجہ عبد الوحید پال کی روح کو ایصال ثواب کیلئے جلد ہی تعزیتی ریفرنس رکھا جائیگا، صدر مسلم لیگ ن متحدہ عرب امارات
دبئی (طاہر منیر طاہر) پاکستان مسلم لیگ ن متحدہ عرب امارات کے سینئر نائب صدر خواجہ عبد الوحید پا ل گزشتہ دن اپنے آبائی شہرسیالکوٹ میں انتقال کر گئے، ان کے انتقال کی خبر امارات کے لیگی حلقوں میں انتہائی دکھ اور غم کے ساتھ سنی گئی، مرحوم ایک لمبے عرصہ سے دبئی میں مقیم تھے۔
انہوں نے مسلم لیگ ن کے لئے پاکستان، سعودی عرب اور متحدہ عرب امارات میں گراں قدر خدمات سر انجام دیں اور اہم سیاسی عھدوں پر فائز رہے،خواجہ عبد الوحید پا ل مسلم لیگ ن کے دیرینہ اور پکے ساتھی تھے۔
صدر مسلم لیگ ن متحدہ عرب امارات محمد غوث قادری نے خواجہ عبد الوحید پا ل کے انتقال کی خبر دیتے ہوئے کہا کہ وہ ہمارے مخلص ساتھی تھے، ان کی روح کو ایصال ثواب کے لئے جلد ہی تعزیتی ریفرنس رکھا جائے گا۔