نیو جرسی(ویب ڈیسک)پاکستانی نژاد امریکی فوزیہ جنجوعہ ریاست نیوجرسی کے شہر ماؤنٹ لوریل کی میئر منتخب ہوگئیں۔
فوزیہ جنجوعہ ماؤنٹ لارل ٹاؤن شپ، نیو جرسی کی تاریخ میں منتخب ہونیوالی پہلی پاکستانی، مسلمان اور ساؤتھ ایشیئن خاتون مئیر ہیں۔
ان کی تقریب حلف برداری کی ماضی کی ایک ویڈیو سامنے آئی ہے۔ جس میں پراسپیکٹ پارک بورو، نیوجرسی کے میئر محمد خیر اللہ نے نو منتخب ہونے والی پاکستانی نژاد امریکی خاتون فوزیہ جنجوعہ سے اُس وقت حلف لیا تھا جب وہ ڈپٹی میئر منتخب ہوئی تھیں۔
میڈیا کے مطابق پہلی پاکستانی خاتون امریکی مئیر فوزیہ جنجوعہ نے اپنے شوہر اور 4 بچوں کی موجودگی میں قرآن پاک پر عہدے کا حلف لیا۔فوزیہ جنجوعہ کا کہنا ہے کہ پہلی مسلمان اور پاکستانی نژاد مئیر بننا میرے لیے بڑا اعزاز ہے۔ مجھے اپنے پاکستانی پس منظر پر فخر ہے۔
اس سے قبل فوزیہ جنجوعہ نے ڈپٹی میئر کا عہدہ سنبھالنے کے بعد مسلمانوں کے مثبت امیج کو دنیا کے سامنے لانے کے حوالے سے بھی کام کیا۔
It is such a great honor to administer the oaths of office tonight in Mount Laurel. It was extremely special to celebrate my dear friends — Mayor Fozia Janjua (1st Muslim & South Asian Mayor in township history) & Deputy Mayor Nik Moustakas on this historic occasion. pic.twitter.com/LaZB4GluKR
— Carol Murphy (@carolmurphyNJ) January 3, 2024
فوزیہ جنجوعہ کے مطابق ان کے والد کا تعلق پاکستان کے شہر چکوال جبکہ والدہ کا تعلق لاہور سے ہے۔ ان کے والدین 1970 میں امریکا منتقل ہوئے تھے اور وہ امریکا میں ہی پیدا ہوئیں۔