بیجنگ (ویب ڈیسک) 26ویں ورلڈ انرجی کانگریس میں دنیا کی تیل کی سب سے بڑی کمپنیز میں سے ایک ،سعودی آرامکو کے سی ای او امین ناصر نے کہا کہ چین کی نئی توانائی کی صنعت کی ترقی نے مغربی ممالک کو خالص صفر کاربن اخراج کے ہدف کو پورا کرنے میں مدد دی ہے اور عالمی توانائی کی تبدیلی میں اہم کردار ادا کیا ہے۔ تکنیکی جدت طرازی اور ایک مکمل صنعتی چین کے نظام کی بدولت چین نے توانائی کی نئی مصنوعات کو مقبول عام بنایا ہے۔
چین کو یورپ کے مقابلے میں گاڑیوں کے نئے ماڈل تیار کرنے میں صرف آدھا وقت لگتا ہے۔ یوں چین کی سبز پیداواری صلاحیت دنیا بھر کے صارفین کو کم قیمت والی مصنوعات فراہم کرتی ہے. بلومبرگ نے حال ہی میں ایک مضمون میں کہاہے کہ توانائی کی عالمی تبدیلی کی امید بڑی حد تک چین کی "کم قیمت، صاف مصنوعات کی فراہمی” کی وجہ سے ہے۔ اس وقت دنیا کی 50 فیصد پون بجلی اور 80 فیصد فوٹو وولٹک آلات چین فراہم کرتا ہے۔
اعداد و شمار کے مطابق ، 2011 سے 2020 تک ، چین میں ماحولیاتی ٹیکنالوجی کے لیے ایجادات کی پیٹنٹ درخواستوں کی مجموعی تعداد دنیا کے 60فیصد کے قریب تھی ، جس سے چین ماحولیاتی ٹیکنالوجی کی جدت طرازی کی سب سے فعال لے آئوٹ والا ملک بن گیا۔مزید اہم بات یہ ہے کہ چین کی سبز پیداواری صلاحیت نے عالمی موسمیاتی تبدیلی کے چیلنج سے نمٹنے میں اہم کردار ادا کیا ہے۔
2022ء میں چین کی پون بجلی اور فوٹو وولٹک مصنوعات کی برآمدات نے دیگر ممالک کے لیے کاربن ڈائی آکسائیڈ کے اخراج کو تقریباً 573 ملین ٹن تک کم کیا ، جس میں مجموعی اخراج میں 2.83 بلین ٹن کی کمی واقع ہوئی ، جو اسی عرصے میں قابل تجدید توانائی سے دنیا کے کاربن اخراج میں کمی کا تقریباً 41 فیصد ہے۔
2023میں متحدہ عرب امارات میں ابوظہبی کے جنوبی صحرا میں شمسی توانائی کے چینی ساختہ پاور پلانٹ باضابطہ طور پر آپریشنل ہوا ، جس سے ابوظہبی کو کاربن کا اخراج سالانہ 2.4 ملین ٹن کم کرنے اور متحدہ عرب امارات کی توانائی کے اسٹرکچر میں صاف توانائی کے تناسب میں 13 فیصد سے زیادہ اضافہ کرنے میں مدد ملے گی۔ دنیا کو درپیش اصل مسئلہ سبز صلاحیت کی "حد سے زیادہ پیداوار” نہیں ہے ، بلکہ اس کی شدید قلت ہے۔ اور چین وہ پیدا کر رہا ہے جس کی دنیا کو اشد ضرورت ہے۔