جدہ (نورالحسن گجر سے) ممتاز کاروباری شخصیت چوہدری شفقت محمود کی جانب سے ممتاز سیاسی و سماجی شخصیت معروف کالم نگار انجینئر افتخار چوہدری کے عزاز میں پرتکلف ڈنر کا اہتمام کیا گیا ، جس میں کمیونٹی کی سرکردہ شخصیات کو بھی مدعو کیا گیا تھا۔
چوہدری شفقت محمود نے ڈنر میں شریک شرکاء کو ویلکم کیا اور انجینئر افتخار کی سیاسی و سماجی خدمات پر خراج تحسین پیش کیا اور عمرہ کی مبارکباد دی جس پر انجینئر افتخار چوہدری نے شکریہ ادا کرتے ہوئے کہا کے مجھے دلی خوشی ہوئی کے چوہدری شفقت محمود جسطرح اپنے ورکرز کی ہر سال حوصلہ افزائی کرتے ہیں بہت کم لوگ ایسے ہوتے ہیں جو ورکرز کےحقوق کا خیال رکھتے ہیں اور میں چوہدری شفقت محمود کو اس پر خراج تحسین پیش کرتا ہوں۔
چوہدری شفقت محمود جیسے لوگ نہ صرف اپنے ورکرز بلکہ اس وقت اپنے ملکی حالات میں معاشی صورتحال کو بہتر کرنے میں بھی کردار ادا کرتے ہیں انہوں نے مزید کہا کہ جدہ سے ہماری بہت ساری یادیں وابستہ ہیں اور پرانے ساتھیوں اور دوستوں سے ملکر جو پھر سے تازہ ہو جاتی ہیں دلی خوشی ہوئی ہے۔
تقریب میں چیئر مین مسلم لیگ ن چوہدری اکرم گجر،سابقہ مشیر برائے وزیر اعلیٰ پنجاب چوہدری اظہر وڑائچ، چیئر مین مسلم لیگ ن جدہ ریجن میاں رضوان الحق، چیئر مین پاک میڈیا جرنلسٹس فورم چوہدری نورالحسن گجر کو خصوصی طورپر مدعو کیا گیا تھا۔