مانچسٹر(وسیم چودھری) برطانیہ کے شہر بلیک برن میں پاکستان جرنلسٹس یونین آف یوکے اور پاکستان قونصلیٹ جنرل مانچسٹر کے زیراہتمام شاہی قلعہ ہال میں محفل قوالی ہوئی۔
پاکستان کے معروف قوال بختاور علی سنتوں خان نے شہرہ آفاق قو الیاں پیش کرکے خوب داد وصول کی، قو نصل جنرل مانچسٹر طارق وزیر، پاپا محبوب ، ثمینہ خان ، مظہر بخاری نے شاندار کمپیئرنگ کے فرائض انجام دیئے جسے شرکا نے بے حد سراہا اور داد تحسین دی۔
قوالی نائٹ میں پاکستان سے آئے ہوئے قوال بختاور علی سنتو خان کی خوبصورت آواز پر شرکا نے دھمال بھی ڈالی، پاکستان جرنلسٹس یونین آف یوکے اور قونصلیٹ جنرل مانچسٹر کے اشتراک سے ہونے والی اس تقریب میں علاقہ بھر سے لوگوں نے شرکت کی،اس قوالی نائٹ میں شرکت کے لئے مانچسٹر، اولڈہم اور دیگر علاقوں سے لوگوں کی بڑی تعداد نے شرکت کی۔
میزبان مظہر بخاری ، سید رضوان علی شاہ ، سید قیصر بخاری ، سید فرحت شاہ ، سید خالد شاہ نے کہا کہ برطانیہ میں اپنی تہذیب و ثقافت روایات کو برقرار رکھنے کے لئے یہ ضروری ہے کہ ایسی محافل انعقاد پذیر ہوں۔
بختاور علی سنتو قوال نے اپنے فن کا مظاہرہ کرتے ہوئے اپنے منفرد انداز میں لوگوں کی فرمائشیں پوری کیں اور رات دیر تک یہ محفل جاری رہی،آخر میں دما دم مست قلندر پر دھمال کا سماں دیکھنے کو ملا۔