ہمارا مقصد پاکستان اور امارات کے مابین تعلقات کو مضبوط کرنا ہے، طارق ندیم صدر ایمرا
امارات میں مقیم پاکستانیوں کے مسائل کو حل کے لئے اعلیٰ حکام تک پہنچانا ہمارا فرض ہے، ارشد رانا جنرل سیکریٹری ایمرا
دبئی (طاہر منیر طاہر) متحدہ عرب امارات میں گزشتہ پانچ دہائیوں سے مختلف النوع میڈیا کام کر رہا ہے اور اپنے اپنے دائرہ کار میں رہتے ھوئے ملک و قوم کے لیے کام کر رہے ہیں- عصر حاضر میں صحافی اپنی پہچان کے لئے مختلف تنظیموں کے بنیر تلے کام کر رہے ہیں۔
یو اے ای میں موجود دیگر صحافتی تنظیموں میں ایک تنظیم ایمرا EMRA بھی ہے جو ایک عرصہ سے صحافیوں کی فلاح و بہبود اور وطن سے دور وطن عزیز کی سر بلندی کے لیے کام کر رہی ہے- ایمرا کو متحدہ عرب امارات میں مقیم سینئر پاکستانی صحافیوں کا تعاون حاصل ہے جو تنظیم کے عہدیدار اور ممبران ہیں۔
پاکستانی صحافیوں میں ایمرا کی مقبولیت کا یہ عالم ہے کہ روز بروز اس کے ارکان میں اضافہ ہو رہا ہے، گزشتہ دنوں پاکستان کے ایک صحافی انجینئر محمد فرحان ذوالفقار بھٹی نے ایمرا میں شمولیت اختیار کی، اس موقع پر ایمرا کے صدر طارق ندیم، جنرل سیکریٹری ارشد رانا، رضا عابدی اور شیخ محمد پرویز موجود تھے۔
ایمرا میں انجینئر محمد فرحان ذوالفقار بھٹی کو خوش آمدید کہتے ہوئے طارق ندیم اور ارشد رانا نے کہا کہ متحدہ عرب امارات میں پاکستانی صحافتی تنظیم EMRA اپنے فرائض بخوبی اور بطریق احسن انجام دے رہی ہے۔
ہمارا مقصد پاکستان اور امارات کے مابین تعلقات کو مضبوط اور آپس میں خوشگوار حالات پیدا کرنا ہے جبکہ امارات میں مقیم پاکستانیوں کے مسائل کو حل کے لئے اعلیٰ حکام تک پہنچانا ہمارا فرض ہے، انہوں نے کہا کہ ایمرا کے تمام صحافی ملک و قوم کے ساتھ مخلص ہیں اور اپنا کام دیانت داری کے ساتھ انجام دے رہے ہیں۔
ایمرا کے بینر تلے موجود تمام صحافی امارات میں موجود تمام پاکستانیوں کے مسائل کو اجاگر کرنے کے لئے اپنی تمام کوششیں بروئے کار لا رہے ہیں تا کہ اوورسیز پاکستانیوں کے مسائل حل ہو سکیں۔