فیصل آباد(تارکین وطن نیوز)یونیورسٹی ایگریکلچر فیصل آباد ہاکی گراؤنڈ میں یونائیٹڈ ایمریٹس ہاکی کلب دبئی بمقابلہ ایگریکلچر یونیورسٹی فیصل آباد ہاکی ٹیم کے درمیان ایک نمائشی ہاکی میچ کھیلا گیا ۔
یہ میچ صفدر چیمہ مرحوم کی یاد میں کھیلا گیا جنہوں نے اپنی ساری زندگی دبئی متحدہ عرب امارات میں ہاکی کو فروغ دینے میں گزار دی۔ انہوں نے اپنی زندگی کے تقریباً 40 سال ہاکی کی خدمت کی۔ آج یہ نمائشی میچ صفدر چیمہ مرحوم کی یاد اور یوم پاکستان کے حوالے سے منعقد کیا گیا۔ یونائیٹڈ ایمریٹس ہاکی کلب دبئی نے شاندار کھیل کا مظاہرہ کرتے ہوئے ایگریکلچر یونیورسٹی فیصل آباد ہاکی ٹیم کو ایک کے مقابلے دو گول سے شکست دے دی ۔
اس میچ کے مہمان خصوصی محترم اولمپیئن راؤ سلیم ناظم تھے جن کو ہاکی کے حوالے سے فیصل آباد کا اہم ستون جانا جاتا ہے اور ماضی میں پاکستان ہاکی ٹیم کو کئی اسٹار کھلاڑی دینے پر سراہا گیا۔ اس نمائشی میچ کے آرگنائزر جنہوں نے اس نمائشی میچ کے انعقاد کے لیے بہترین مہمان نوازی کی کا خصوصی شکریہ ادا کیا گیا جن میں یامین بھٹی، شہزاد ملک، ثقلین رندھاوا، طاہر علی شاہ کے نام نمایاں ہیں ۔ میچ کے اختتام پر مہمان خصوصی نے ونر اور رنراپ ٹیم کو ٹرافیاں پیش کیں۔
یونائیٹڈ ایمریٹس ہاکی کلب کی جانب سے عقیل احمد( دبئی) محمود احمد (دبئی)ملک منصور (دبئی) طاہر علی شاہ (پولینڈ) سہیل اکرم جنجوعہ(اسلا م آ باد) نے اس میچ میں خصوصی شرکت کی جبکہ یونائیٹڈ ایمریٹس ہاکی کلب کی کپتانی کے فرائض عقیل احمد (دبئی)نے سر انجام د یئے۔ میچ شروع کرنے سے قبل دونوں ٹیموں نے ایک منٹ کی خاموشی اختیار کی اور صفدر چیمہ مرحوم کے ایصال ثواب کے لیے سورہ فاتحہ کی تلاوت کی۔