اشفاق احمد روزنامہ گلف نیوز کے سینئرایڈیٹر اور پاکستان جرنلسٹس فورم کے صدر ہیں
صحافت میں نمایاں خدمات انجام دینے پر وہ قبل ازیں بھی متعدد ایوارڈز حاصل کر چکے ہیں
دبئی (طاہر منیر طاہر) راشد سنٹر فار پیپل آف ڈیٹرمینیشن کے چیئرمین شیخ جمعہ بن مکتوم المکتوم کی طرف سے گلف نیوز کے سینئر ایڈیٹرپاکستانی صحافی اشفاق احمد کو تعریفی سرٹیفکیٹ عطا کیا گیا۔
اس موقع پر مریم عثمان، سی ای او اور مونا ابو سمرہ، البیان کی ایڈیٹر انچیف بھی موجود تھیں، اشفاق احمد روزنامہ گلف نیوز کے سینئر ایڈیٹر اور پاکستان جرنلسٹس فورم کے صدربھی ہیں۔
صحافت میں نمایاں خدمات انجام دینے پراشفاق احمد کو پاکستان جرنلسٹس فورم اور متحدہ عرب امارات میں مقیم پاکستانی کمیونٹی کی طرف سے مبارکباد دی گئی اور ان کے لیے نیک تمناؤں کا اظہار بھی کیا گیا۔
یاد رہے کہ امارات میں بہترین صحافتی خدمات انجام دینے پراشفاق احمد متعدد انعامات، سرٹیفیکٹس اور ایوارڈز حاصل کر چکے ہیں جو ان کے لیے اور یہاں رہنے والے پاکستانیوں کے لیے ایک اعزاز ہے۔