پروگرام میں فوک سنگرملکواورڈائریکٹرمیڈیکل شوکت خانم ہسپتال لاہور ڈاکٹرآصف لویا کی خصوصی شرکت
پروگرام میں پاکستانی کمیونٹی کی جانب سےچارلاکھ پینسٹھ ہزار(465000)کرون فنڈ اکٹھا کیا گیا
سٹاک ہوم(انصراقبال بسرا)شوکت خانم میموریل ٹرسٹ اینڈ ریسرچ سنٹر کے زیراہتمام سٹاک ہوم سویڈن میں شوکت خانم کینسرہسپتال کراچی کے لیے فنڈ ریزنگ کاانعقاد کیا گیاجس میں پاکستان کی سیاسی ،سماجی ،صحافتی شخصیات اور پاکستانی کمیونٹی نے اپنی فیملیز کے ساتھ بھرپور شرکت کی۔
پاکستان سے پنجابی فوک سنگر ملکو اور ڈائریکٹر میڈیکل شوکت خانم ہسپتال لاہور ڈاکٹر آصف لویا نے خصوصی شرکت کی ۔
پروگرام کے آغاز میں پاکستان کا قومی ترانہ بجایاگیا، قومی ترانے کے احترام میں سب نے کھڑے ہوکر سنا جس کے بعد عمران خان کا دستخط شدہ بیٹ (بلا) گیندز(بالز )نیلامی کے لیے پیش کئے گئے جسے کپتان کی چاہنی والی سفینہ بی بی نے پچاس ہزار(50000) سویڈیش کرون میں خریدا اور کپتان سے اپنے والہانہ جنون کا اظہار کیا۔
کپتان کے دستخط شدہ بال کو کپتان کے ننھے کھلاڑی حسیب رحمت علی نے بیس ہزار (20000) سویڈیش کرونا جبکہ دوسری بال کو کپتان کے جیالے کاشف کھٹانہ نے پندرہ ہزار(15000 ) میں خریدا۔
پاکستانی کمیونٹی نے شوکت خانم کراچی ہسپتال کے لیے فنڈ ریزنگ میں بڑ ھ چڑھ کر حصہ لیا اور چار لاکھ پینسٹھ ہزار (465000) کرون فنڈ اکٹھا کیا۔
فنڈ ریزنگ جمع کرنے کے بعد پنجابی فوک سنگر ملکو نےاپنی آواز کا جادو جگایا اور لوگوں کو اپنے سحر میں جکڑ لیا، ملکو کے گانوں پر لوگوں نے خوب رقص کیا اور لطف اندوز ہوئے۔
پروگرام کے آخر میں امیر علی ندیم ایمبسڈر شوکت خانم ہسپتال سویڈن نے آنے والے مہمانوں اور پاکستانی فیملیز ،سیاسی ،سماجی اور صحافی برادری کا خصوصی شکریہ ادا کیا۔
میڈیا سے گفتگو کرتے ہوئے فوک سنگر ملکو اور ڈائریکٹر میڈیکل شوکت خانم ہسپتال لاہور ڈاکٹر آصف لویا کا کہنا تھا مجھے بہت خوشی ہوئی سٹاک ہوم میں پاکستانی کمیونٹی نے بھرپور شرکت کی اوربہت بڑی رقم شوکت خانم کراچی کے لیے ڈونیٹ کی جیسا پہلے بھی آپ لوگ ڈونیٹ کرتے رہے آج بھی کیا اور میں امید کرتا ہوں آئندہ بھی کینسر کے مریضوں کے شوکت خانم ہوسپٹل کی مدد کرتے رہیں گے۔