مہمان خصوصی کو نوبل فیوچر انوسٹمنٹ گروپ کی طرف سے گلدستے پیش کئے گئے
دوبئی (طاہر منیر طاہر) رمضان المبارک کے آخری عشرے میں دوبئی کی معروف کاروباری شخصیت آصف چوہدری کی طرف سے نامور اداکار رضا مراد اور پاکستانی کمیونٹی کے اعزاز میں ایک شاندار افطار ڈنر کا اہتمام کیا گیا۔
افطار ڈنر کے موقع پر دوبئی کی دیگر معروف علمی ادبی، سماجی، کاروباری مقامی و غیر مقامی معروف شخصیات جن میں یعقوب العلی، عبداللہ مراد نائمہ لاشاری، راجہ عُبید، یوٹیوبر چھوٹے بھائی بڑے بھائی ، زرناب لاشاری اور دیگر نےشرکت کی۔
اس موقع پر رمضان کے حوالے سے امارات اور امارات میں بسنے والے تمام باشندوں کے لیے دعائیں کی گئیں وطنِ عزیز کے حالات کے لیے خصوصی دعاؤں کے ساتھ ساتھ اس مبارک مہینے رمضان کے آخری عشرے کی رحمتوں اور برکتوں کے طفیل اللہ تعالیٰ سے اجتماعی مغفرت اور رحم کی دعائیں بھی کی گئیں۔
اس موقع پر یو اے ای کی اہم علمی، ادبی ،سماجی و کاروباری شخصیات شریک تھیں تقریب میں بالی وڈ سٹار رضا مراد کی آمد پر این ایف ایل کے چیئر مین آ صف چوھدری نے شکریہ ادا کیا اور مہمان خصوصی کو گلدستے بھی پیش کئے۔