ایمنسٹی سکیم یکم ستمبر سے 31 اکتوبر 2024 تک جاری رہے گی
دبئی (طاہر منیر طاہر) متحدہ عرب امارات (یو اے ای) کی حکومت نے یکم ستمبر سے 31 اکتوبر 2024 تک ایمنسٹی سکیم کا اعلان کیا ہے۔ اس اعلان کے تناظر میں ابوظہبی میں پاکستان کا سفارت خانہ اور دبئی میں پاکستان کا قونصلیٹ جنرل ہر ممکن مدد کر رہا ہے۔
متحدہ عرب امارات میں مقیم پاکستانی شہری اس بات کو یقینی بنائیں کہ وہ متحدہ عرب امارات کی حکومت کی ایمنسٹی اسکیم سے بھرپور فائدہ اٹھائیں،اس سلسلے میں سفارت خانے اور قونصلیٹ جنرل نے لوگوں کی سہولت کے لئے اقدامات کئے ہیں۔
قومی شناختی کارڈ (NICs)، پاسپورٹ سیکشنز اور تصدیق کی خدمات اکتوبر 2024 کے آخر تک ہفتہ کے روز کھلی رہیں گی تاکہ ان درخواست دہندگان کو ایڈجسٹ کیا جا سکے جنہیں اپنے دستاویزات کی تجدید، اپ ڈیٹ یا توثیق کرنے کی ضرورت ہے۔
آؤٹ پاس کے حصے ان لوگوں کے لیے آؤٹ پاس/ ہنگامی سفری دستاویز جاری کرنے کے لیے دستیاب ہیں جو پاکستانی شہری ہیں اور ان کے پاس پاکستان واپسی کے سفر کی سہولت کے لیے پاسپورٹ نہیں ہیں۔سفارت خانہ اور قونصلیٹ جنرل آف پاکستان اس عرصے کے دوران ساتھی پاکستانی کمیونٹی کے ارکان کی مدد کے لیے پوری طرح پرعزم ہیں۔
تمام اہل پاکستانی شہریوں سے درخواست ہے کہ متحدہ عرب امارات کی حکومت کی طرف سے پیش کردہ اس موقع سے فائدہ اٹھائیں۔مزید معلومات اور اپ ڈیٹس کے سرکاری ویب سائٹس دیکھیں اور مزید معلومات کے لیے سفارت خانے/قونصلیٹ سے ان نمبرز پر رابطہ کریں۔
سفارت خانہ 00971501248934
قونصلیٹ 00971566472721