روچڈیل (محمد فیاض بشیر) روچڈیل میں ہلٹن ہوٹل کی نئی برانچ نے کام شروع کر دیا ، افتتاحی تقریب میں مئیر روچڈیل کونسلر شکیل احمد نے خصوصی شرکت کی ۔
ہوٹل کی جنرل منیجر ایشلی تھامسن اور روچڈیل کونسل میں بزنس منیجر کے طور پر پیشہ وارانہ خدمات انجام دینے والی کیرول ہوپکنسن نے انکا استقبال کیا ۔
مئیر روچڈیل کونسلر شکیل احمد نے کہا کہ ہلٹن ہوٹل کے افتتاح سے روچڈیل میں سیر وتفریح اور کاروبار کے سلسلے میں آنے والے افراد ہوٹل کی نئی جدت کے ساتھ مہیا سہولیات سے فائدہ اٹھا سکیں گے، اسکے علاوہ مقامی افراد کو روزگار کے مواقع بھی میسر آئیں گے۔
ہوٹل کی جنرل منیجر ایشلی تھامسن نے کہا کہ ہمیں خوشی ہے کہ افتتاحی تقریب میں مئیر روچڈیل آئے برطانیہ کے دوسرے شہروں سے سیر و تفریح اور کاروبار کے سلسلے میں روچڈیل آنے والے مہمانوں ہمیں خدمت کا موقع دیں ہماری سہولیات سے وہ مطمئن ہوں گے۔
روچڈیل کونسل میں بزنس منیجر کے طور پر پیشہ ورانہ خدمات انجام دینے والی کیرول ہوپکنسن نے کہا ہم روچڈیل میں نئے کاروبار کرنے والی کمپنیوں کو خوش آمدید کہتے ہیں اس سے مقامی کمیونٹی کو روزگار کے مواقع میسر آتے ہیں ہوٹل کی سہولیات سے متاثر ہوں ۔
روچڈیل کونسل مقامی سطح پر کمیونٹی کے لیے نئے کاروبار شروع کرنے والوں کی حوصلہ افزائی میں پیش پیش ہے تاکہ مقامی کمیونٹی کو روزگار کے مواقع میسر آئیں۔