سروس انڈسٹری کے کھلے پن کو مسلسل فروغ دیا جائے گا، اجلاس میں فیصلہ
بیجنگ (ویب ڈیسک) بیجنگ میں کمیونسٹ پارٹی آف چائنا کی سینٹرل اکنامک ورک کانفرنس منعقد ہوئی ۔چین کے صدر شی جن پھنگ نے اجلاس میں شرکت کی اور ایک اہم تقریر کی۔جمعہ کے ورز اجلاس میں نشاندہی کی گئی کہ 2024 میں چین کی معیشت نے پیچیدہ اور تبدیل ہونے والے بیرونی ماحول میں مستحکم ترقی کی، مجموعی معاشی آپریشن مستحکم رہا، اعلیٰ معیار کی ترقی کو مضبوطی سے فروغ دیا گیا او سال کے اختتام پر رواں سال کے معاشی و سماجی ترقی کے اہم اہداف کامیابی سے مکمل ہوں گے۔
چین کی معیشت کی ایک مستحکم بنیاد ہے اور یہ بہت سے فوائد، مضبوط لچک اور عظیم صلاحیت کی حامل ہے، اور طویل مدتی بہتری کے بنیادی رجحانات تبدیل نہیں ہوئے، اس اجلاس نے بیرونی دنیا کے حوالے سے مزید کھلے پن کا مضبوط اشارہ دیا ہے ۔ اجلاس میں تجویز پیش کی گئی کہ سروس انڈسٹری کے کھلے پن کو مسلسل فروغ دیا جائے گا، ٹیلی کمیونیکیشن، طبی دیکھ بھال، تعلیم اور دیگر شعبوں کے کھلے پن میں توسیع کی جائے گی، آزادانہ اوپننگ اور یکطرفہ اوپننگ کو منظم انداز میں وسعت دی جائے گی۔
ادارہ جاتی اوپننگ کو مسلسل وسعت دی جائے گی، پائلٹ فری ٹریڈ زونز کے معیار اور کارکردگی کو فروغ دیا جائے گا اور اصلاحات کو وسعت دی جائے گی،اس کے ساتھ ساتھ ، ہم خدمات، سبز تجارت اور ڈیجیٹل تجارت کو فعال طور پر فروغ دیں گے، اور غیر ملکی سرمایہ کاری کے فروغ کے نظام اور میکانزم میں اصلاحات کو گہرا کریں گے،ہم اعلیٰ معیار کے بیلٹ اینڈ روڈ کی مشترکہ تعمیر کو گہرائی سے نافذ کریں گے اور جامع بیرون ملک سروس سسٹم کو بہتر بنائیں گے، اس کے علاوہ چین 2025 میں زیادہ فعال مالیاتی پالیسی نافذ کرے گا۔