چین کی زراعت کی سبز ترقی میں نمایاں بہتری آئے گی
بیجنگ (ویب ڈیسک) چین کی زراعت اور دیہی امور کی وزارت نے "زرعی ترقی کی جامع سبز تبدیلی کو تیز کرنے اور دیہی ماحولیات کی احیا کو فروغ دینے کے بارے میں رہنما رائے” جاری کی۔ پیر کے روز جا ری کردہ مذکورہ رپورٹ میں واضح کیا گیا ہے کہ 2030تک چین کی زراعت کی سبز ترقی میں نمایاں بہتری آئے گی۔
زرعی وسائل کے استعمال کی کارکردگی اور فضلے کے وسائل کے استعمال میں نمایاں بہتری آئے گی، زرعی پیداوار ی علاقوں میں ماحولیاتی تحفظ میں اضافہ جاری رہے گا، ایک بنیادی سطح کا سبز، کم کاربن اور سرکلر زرعی صنعتی نظام تعمیر کیا جائے گا۔
زرعی ترقی کی جامع سبز تبدیلی میں مثبت پیش رفت ہوگی، دیہی ماحولیات کو نمایاں طور پر بہتر بنایا جائے گا، اور دیہی ماحولیات کی احیا کو مؤثر طریقے سے فروغ دیا جائے گا۔ 2035 تک زراعت کی سبز ترقی میں نمایاں بہتری آئے گی، سبز پیداواری طریقہ کار بنیادی طور پر تشکیل دیا جائے گا، زرعی وسائل کے استعمال کی کارکردگی بین الاقوامی اعلی درجے کی سطح تک پہنچ جائے گی۔
زرعی پیداوار ی علاقوں کے ماحول کو جامع طور پر بہتر بنایا جائے گا، زرعی صنعت کی ترقی کی گردش ہموار ہو گی، پیداوار اور زندگی کی ہم آہنگ ترقی کو فروغ دیا جائے گا، سبز اور کم کاربن سرکلر زرعی صنعتی نظام زیادہ کامل ہوگا، دیہی ماحولیاتی احیا ایک نئی سطح پر پہنچ جائے گی، اور خوشگوار ماحولیات کے حامل قابل رہائش خوبصورت دیہی علاقے بنیادی طور پر قائم کیے جائیں گے۔