مانچسٹر (محمد فیاض بشیر) خواتین کے عالمی دن کے موقع پر کرییٹو مائنڈ میڈیا کے سائے تلے ممتاز سماجی و کمیونٹی شخصیت فرزانہ افضل نے خصوصی تقریب کا انعقاد کیا جس میں پاکستانی قونصلیٹ مانچسٹر میں تعینات قونصل جنرل طارق وزیر خان کی اہلیہ نازیہ طارق اور کمیونٹی ویلفیئر اتاشی مصباح نورین نے خصوصی شرکت کی۔
نازیہ طارق کا کہنا تھا کہ خواتین کی فلاح و بہبود کے لیے کرییٹو مائنڈ میڈیا کی خدمات کمیونٹی کے لیے باعث فخر و قابل ستائش ہیں ۔ٹینا نے کہا کہ انہوں نے سی ایم ایم کے ساتھ چھ ماہ پہلے شامل ہوئیں انکے لیے باعث اعزاز ہے ۔
کمیونٹی ویلفیئر اتاشی مصباح نورین نے کہا کہ سی ایم ایم خواتین کی فلاح وبہبود اور انکے گھریلو و دیگر مسائل کو حل کرنے کے لیے مصروف عمل ہے۔کرییٹو مائنڈ میڈیا کی روح رواں فرزانہ افضل نے کہا کہ ہمارے گروپ کا مقصد خواتین کو بااختیار و بااعتماد بنانے کے ساتھ انہیں انکے حقوق بارے آگاہی دینا ہے انہیں سماجی طور پر سرگرم رکھنا اور اگر صحت بارے کوئی مسئلہ ہو تو انکی صحیح راہنمائی کرنا ہے ۔
عالیہ ہاشمی نے کہا کہ ہمارا اولین مقصد خواتین کو بااختیار و بااعتماد بنانا ہے، رخسانہ حسین نے کہا کہ ایسی خواتین جو پہلے ہی معاشرے میں فعال کردار ادا کر رہی ہیں انہیں دیکھ و ملکر ہماری بھی حوصلہ افزائی ہونے کے ساتھ آگے بڑھنے کا جذبہ پیدا ہوتا ہے۔
پروگرام میں شریک دیگر خواتین نے بھی خواتین کی فلاح و بہبود کے لیے سرگرم اس طرح کی سرگرمیوں کو معاشرے کے لیے اہم قرار دیا ۔ خواتین کے عالمی دن کی مناسبت سے کرییٹو مائنڈ میڈیا کی خواتین کو معاشرے کا بااختیار و بااعتماد شہری بنانے کی کاوشوں کو کمیونٹی کے اندر بےحد سراہا گیا ۔