لندن(شوبز نیوز)پاکستانی اداکارہ سجل علی کی انٹرنیشنل فلم کی پہلی جھلک نے مداحوں کو خوش کر دیا ۔
اداکارہ سجل علی کے حوالے سے گزشتہ سال یہ خبریں سرگرم رہیں کہ وہ جمائما گولڈ اسمتھ کی پروڈکشن میں بننے والی فلم میں کام کررہی ہیں، بعدازاں جمائما نے فلم ‘’ واٹس لو گاٹ ٹو ڈو وِد اِٹ ‘’ کے سیٹ سے سجل کے ساتھ اپنی تصاویرشیئرکیں تھیں۔
Our beautiful & talented Sajal Aly @Iamsajalali First Look of Pakistani Star’What’s Love Got to Do with It? – Variety https://t.co/Pva4W8fgfr
— Jemima Goldsmith (@Jemima_Khan) July 28, 2022
واٹ لو گوٹ ٹو ڈو ود اٹ جمائما کے پروڈکشن ہاوس انسٹنٹ پروڈکشنزکے تحت بطور پروڈیوسران کی پہلی فلم ہے۔
آج پروڈکشن ٹیم نے فلم کا پہلا لک جاری کردیا ہے، فرسٹ لک میں دیگر بین الاقوامی اداکاروں کے ساتھ اداکارہ سجل علی بھی شامل ہیں، سجل علی ایک پرسکون اور پیاری مسکراہٹ کے ساتھ دوپٹہ اوڑھے نظر آرہی ہیں۔
فلم کی پہلی جھلک نے مداحوں کے دل جیت لیے جس کے بعد سوشل میڈیا پر سجل کے مداحوں ان کی تعریفوں پل باندھ دیئے، مداحوں کا کہنا تھا کہ وہ ان کی آنے والی بین الاقوامی فلم کا بے صبری سے انتظار کر رہے ہیں۔
اس فلم کی کاسٹ میں بھارتی اداکارہ شبانہ اعظمی بھی شامل ہیں جن کے ساتھ لی جانے والی تصویر جمائما نے انسٹا اسٹوریز میں شیئر کی۔
دیگرکاسٹ میں پاکستانی نژاد برطانوی اداکار شاہد لطیف، برطانوی اداکارہ للی جیمز اور ایما تھامپسن سمیت دیگر شامل ہیں۔
غیر ملکی میڈیا رپورٹ کے مطابق فلم جمائما کی وزیراعظم عمران خان کے ساتھ محبت اورشادی کی کہانی سے متاثرہوکرلکھی گئی۔