نوجوانوں نے بھنگڑے ڈال کر محفل کی رونق کو دوبالا کیا
سفارتخانہ پاکستان برسلزمیں تعینات پریس منسٹر صغیر وٹو کی بطور چیف گیسٹ شرکت
برسلز(عظیم ڈار)پاکستان پریس کلب برسلز کی جانب سے میگا صوفی قوالی نائٹ میں پاکستان کے نامور بین الاقوامی شہرت یافتہ دانش عرفان ہمنوا قوال نے یورپ کے ٹور کے دوران یورپی دارالحکومت برسلزمیں اپنی آواز کے سحر سے سماء باندھ دیا ، نوجوان نسل نے بھنگڑے ڈال کر محفل کی رونق کو دوبالا کردیا۔
پروگرام میں سفارتخانہ پاکستان برسلزمیں تعینات پریس منسٹر صغیر وٹو نے بطور چیف گیسٹ شرکت کی اورپاکستان پریس کلب برسلز کی جانب سےیادگاری شیلڈز بلجیئم کےمختلف طبقہ ہائے زندگی سے تعلق رکھنے والے افراد میں تقسیم کیں جبکہ مہاراجہ تندوری گروپ کےسی ای او فوکل پرسن یورپی یونین علی چوہدری نے مہمان خصوصی پریس منسٹرصغیر وٹو کو یادگاری شیلڈ پیش کی۔
پروگرام کو کامیاب بنانےمیں برسلز کے معروف بزنس مین علی چوہدری زاہد حسین بھدر اور تنویر بھٹی نے خصوصی تعاون کیا۔ قوالی نائٹ میں معروف قوال دانش خان اور واجد خان نے پاکستان کے لیجنڈ مرحوم نصرت فتح علی خان کی قوالیاں گاکر خوب داد وصول کی ۔
پاکستان پریس کلب برسلز کے اراکین سابق صدر شاہد فاروقی، سینئر نائب صدر اختر سیالوی، نائب صدر ملک مغیث،پریس سیکرٹری مزمل مان نے خصوصی شرکت کی۔
یاد رہے دانش عرفان ہمنوا قوال کو ناروے کے شہر اوسلو کی معروف سیاسی سماجی شخصیت یوسف شاہ نے اپنی دعوت پر بلایا اور قوالی کا زبردست پروگرام اوسلو میں آرگنائز کیا۔
میگا قوالی نائٹ میں برسلزکی معروف شخصیت کرکٹراسٹار تنویربھٹی نے اپنی جانب سے دانش خان کی حوصلہ افزائی کےلیے 500€ بطور انعام پیش کیے۔ پروگرام کے روح رواں سینئرصحافی مرزا عمران بیگ نے دیگر انتظامات کے ساتھ ساتھ ویڈیوز بھی بنائیں اور مہمانوں کو خوش آمدید بھی کہا۔
قوالی نائٹ میں پولیس کونسلرزمحمدناصروعامر نعیم سنی سمیت دیگردوستوں براق ٹریولز اینڈ سروسز ڈائریکٹر راجہ مجاہد جرال اویس جاوید اتفاق ویلفیئر سوسائٹی کے صدر ندیم ضیاء بٹ بزنس مین شیخ ماجد چوہدری حسن چوہدری تنویر محمداظہرتنویربھٹی اکاؤنٹنٹ سردارساجد امتیاز اظہر دستگیراوردیگر نے بھی پروگرام کو کامیاب کرانے میں بھرپورساتھ دیا ،چوہدری زاہدحسین بھدراور شیخ ماجد ناگزیر وجوہات کی بنا پرشرکت نہ کرسکے۔
پروگرام میں قوالی کے شائقین نے بھنگڑے اور رقص کرکے حاضرین کو محضوظ کیا۔ سابقہ روایات کو زندہ رکھنے کےلیے کچھ دوستوں نے شرارتیں بھی کیں لیکن الحمد للہ پروگرام بخیروعافیت کے ساتھ انجام پایاکچھ دوست حقیقی مجبوریوں کی وجہ سے پروگرام میں عدم شریک رہے ۔
پروگرام میں نظامت کے فرائض خاکسار نے سرانجام دیئے،جبکہ زم زم کے ڈائریکٹر عامر بٹ نے بریانی کا اسٹال لگایا ہوا تھا تاکہ لوگ شکم سیر ہوں اور یوں میگا قوالی نائٹ اختتام پزیر ہوئی۔