اوسلو (عقیل قادر) خطہ پوٹھوہار اور ناروے کی سیاسی و سماجی شخصیت چوہدری اسماعیل سرور نے ڈاکٹر انجم الٰہی کے اعزاز میں پرتکلف عشائیہ دیا۔
عشائیہ میں چوہدری جاوید سرور، شکیل قادر، راجہ عاشق حسین، چوہدری قمر عباس ٹوانہ ، معروف ادبی شخصیت شاہ رخ سہیل ، عقیل قادر اور وقاص لیاقت نے شرکت کی۔
انجم الٰہی نے گفتگو کرتے ہوئے چوہدری اسماعیل سرور کا انکے اعزاز میں عشائیہ دینے پر شکریہ ادا کیا۔ انہوں نے پاکستان کی موجودہ سیاسی صورتحال پر بھی گفتگو کی اور کہا کہ پاکستان میں مہنگائی نے غریب کا جینا مشکل کر دیا ہے۔
چوہدری اسماعیل سرورنے تمام مہمانوں کا شکریہ ادا کیا اور کہا کہ پاکستانی سیاستدان یورپ کا وزٹ کرتے ہیں اور یہاں کے سسٹم کو قدر کی نگاہ سے دیکھتے ہیں مگر اپنے ملک میں وہ اس نظام کو رائج نہیں کرتے۔
شاہ رخ سہیل نے بھی پاکستان کی سیاسی صورتحال پر سیر حاصل گفتگو کی۔ شکیل قادر نے گفتگو کرتے ہوئے چوہدری اسماعیل سرور کا شاندار عشائیے کے انعقاد پر شکریہ ادا کیا۔