برلن کے BVG سروسز انڈرگرانڈ یوبان ٹرام بسیں معمول کے مطابق رواں ہونگی
برلن(رپورٹ:مطیع اللہ )جرمن ریلوے کے لیبر ملازمین کا ایک مرتبہ پھر 24 گھنٹے ہڑتال کرنے کا اعلان کردیا، برلن کے BVG سروسز انڈرگرانڈ یوبان ٹرام بسیں معمول کے مطابق رواں ہونگی۔
تفصیلات کے مطابق جرمنی کے دارالحکومت برلن و گردونواح کے اضلاع میں ریلوے اینڈ ٹرانسپورٹ یونین (ای وی جی) نے ریل صنعت میں جاری تنخواہوں میں اضافے کے مطالبہ کے پیش نظر 7 دسمبر بروزہ جمعرات کے رات دس بجے سے جمعہ کی رات دس بجے کے درمیان ہڑتال کرنے کا اعلان کیا ہے۔
ریلوے یونین کے اعلان کے مطابق تمام ریل روڈ کمپنیوں میں ملازمین کام بند رکھیں گے، BVG برلن ٹرانسپورٹ لیبر ہڑتال میں شامل نہیں ہونگے۔ برلن ٹرانسپورٹ اتھارٹی BVG نے بدھ کو اعلان کیا، وہ اس جمعرات کو ہونے والے ہڑتال پر نہیں ہوں گے۔ بسیں، ٹرینیں اور نہری بحری مسافر جہاز بفیری معمول کے مطابق چلیں گی۔
اس طرح مسافر علاقائی اور S-Bahn ٹرینوں کے متبادل کے طور پر نقل و حمل کے ان ذرائع کو استعمال کر سکتے ہیں۔S-Bahnکے لیے ٹرین کی منسوخی اور تاخیرچونکہ Deutsche Bahn برلن S-Bahn چلاتا ہے، اس لیے جمعرات کی شام دس بجے ٹرین کی منسوخی ممکنہ طور پر سفری تاخیر ہوسکتی ہیں ۔
جبکہ برلن اور برانڈنبرگ کی تمام علاقائی ٹرینیں بھی متاثر ہونے کا امکان ہے، ہڑتال کی وجہ سے ڈوئچے بان کا انفراسٹرکچر بھی ہڑتال پر ہونگے ۔ ہڑتال جمعہ کی رات کو دس بجے ختم ہوجائے گی،پر ڈوئچے بان معمول پر اپنے مسافروں کو سروسز فراہم کرپائیں گے ہفتہ کے اختتامی روز ہو نے کی وجہ سےممکن ہے کہ مسافروں کو مشکلات کاسامنا ہو ۔