آسٹریا،ویانا (محمد عامر صدیق سے) یورپ بھر کی طرح آسٹریا میں بھی عید الفطر مذہبی عقیدت و احترام اور جوش و جذبے کے ساتھ منائی گئی ،نمازِ عید الفطر کے چھوٹے بڑے اجتماعات منعقد کئے گئے۔
مختلف اسلامی ممالک کے سفراء اور اقوامِ متحدہ میں مسلم کمیونٹی سمیت ہزاروں فرزندان توحید نے نماز عید الفطر ادا کی ۔ اسلامک سنٹر ویانا میں پہلی نماز عید الفطر عربی میں اور دوسرا جرمن زبان میں خطبہ دیا گیا، اجتماعی دعائیہ کلمات میں امت مسلمہ اور شرکاء کیلئے خصوصی دعائیں مانگی گئیں، عید الفطر کی نماز کے موقع پر پولیس نے سیکورٹی کے سخت حفاظتی انتظامات کئے تھے۔
آسٹریا کے دوسرے چھوٹے بڑے شہروں میں بھی مسلم ممالک کی مساجد اور مذہبی اداروں پاکستان ،ترکی، مراکو، سیریا، آذربائیجان،مصر ، افغانستان، بنگلہ دیش ودیگر مسلم ملکوں کی مساجد اور مذہبی اداروں میں نمازِ عید الفطر کے اجتماعات ہوئے۔
پاکستانی کمیونٹی کی مساجد اور مذہبی اداروں ،پاک سینٹر مسجد المدینہ ،نور اسلامک سنٹر ،منہاج سنٹر ، ادارۃالمصطفیٰ سنٹر،فیضان مدینہ میں عیدالفطر کے اجتماعات میں علماء کرام نے پاکستان کی ترقی خوشحالی اور سربلندی اور استحکام کیلئے خصوصی دعائیں کیں۔
مسلم کمیونٹی نے نماز عید الفطر کے بعد ایک دوسرے کو گلے لگا کر عید الفطر کی مبارکباد پیش کی ۔پاکستانی مساجد میں نمازِ عید الفطر کے بعد شرکاء کو مٹھائیاں اور سویاں پیش کی گئی۔
پاکستانی مساجد میں بھی عید الفطر کی نمازِ کے دو سے تین اجتماعات رکھے گئے تھے۔
