ادیشہ جمیل پاکستان مسلم لیگ ن متحدہ عرب امارات کے سینئر لیڈر اور معروف سماجی شخصیت محمد جمیل بنگیال راجہ کی صاحب زادی ہیں
میں اپنے علم کو انسانیت کی بہتری کے لیے استعمال کروں گی،ادیشہ جمیل
تعلیم میں نمایاں کامیابی پر ادیشہ جمیل، ان کے والدین اور اساتذہ کو پاکستانی کمیونٹی کی طرف سے مبارکباد
دبئی (طاہر منیر طاہر) امارات میں مقیم ایک پاکستانی طالبہ ادیشہ جمیل نے ہزہائینس شیخ راشد المکتوم پاکستانی اسکول دبئی سے ایف ایس سی (سائنس گروپ) میں 1100 میں سے 965 نمبر حاصل کر کے سکول میں پہلی پوزیشن حاصل کی ہے۔
قبل ازیں انہوں نے IGCSE او لیول سطح کے امتحانات میں مشرق وسطیٰ میں بھی ٹاپ کیاتھا جو امارت میں مقیم پاکستانی کمیونٹی کے لئے باعث اعزاز ہے،ادیشہ جمیل پاکستان مسلم لیگ ن متحدہ عرب امارات کے سینئر لیڈر اور معروف سماجی شخصیت محمد جمیل بنگیال راجہ کی صاحب زادی ہیں۔
اپنی نمایاں کامیابی کا ذکر کرتے ہوئے ادیشہ جمیل نے کہا کہ میری کامیابی میں میرے والدین کا تعاون اور میرے اساتذہ کی محنت شامل ہے جنہوں نے مجھ پر اعتماد کیا، میرا ارادہ ہے کہ میں اپنے علم کو انسانیت کی بہتری کے لیے استعمال کروں گی۔
ادیشہ جمیل کی تعلیم میں نمایاں کامیابی پر انہیں، ان کے والدین اور اساتذہ کو پاکستانی کمیونٹی نے مبارکباد دیتے ھوئے نیک تمناؤں کا اظہار کیا ہے۔