سفیرپاکستان برائے متحدہ عرب امارات فیصل نیاز ترمذی کی طرف سے پاکستانی ٹیم کو مبارکباد
کھلاڑیوں کی کارکردگی، مثالی جذبہ، عزم اور ٹیم ورک کی تعریف اور خراج تحسین
سفیر پاکستان نے ٹورنامنٹ میں ٹیم کی مسلسل کامیابی کے لیے نیک خواہشات کا اظہار کیا ہے
دبئی (طاہر منیر طاہر) متحدہ عرب امارات میں پاکستان کے سفیر فیصل نیاز ترمذی نے پاکستانی بیس بال ٹیم کو جاری عرب کلاسک دبئی-2024 میں بھارت کے خلاف 12-0 کے اسکور سے شاندار فتح پر دلی مبارکباد پیش کی ہے۔
سفیر فیصل نیاز ترمذی نے کھلاڑیوں کی کارکردگی، مثالی جذبہ، عزم، اور ٹیم ورک کی تعریف کی جو انہوں نے کھیل کے میدان میں دکھائی ہے۔ انہوں نے ٹیم کو کامیابی کے لیے تیار کرنے پر ٹیم انتظامیہ کی لگن کو بھی سراہا۔
یہ سنسنی خیز میچ بیس بال یونائیٹڈ بال پارک سیونز، دبئی میں ہوا، جس نے پرجوش ہجوم کو اپنی طرف متوجہ کیا اور بیس بال کے کھیل میں پاکستان کی موجودگی کو اجاگر کیا۔ عالمی سطح پر پاکستان کی نمائندگی کرنے والے کھلاڑیوں کے لیے مشن کی حمایت کو تقویت دیتے ہوئے ٹورنامنٹ میں ٹیم کی مسلسل کامیابی کے لیے نیک خواہشات کا اظہار کیا ہے۔