بہاولپور کے اوورسیزپاکستانیوں کے لئے خوش خبری

بیرون ملک مقیم پاکستانیوں کے لئے DHA بھاولپور متعارف کروا دیا گیا

دبئی میں بریفنگ کے دوران DHA بھاولپورکے پروجیکٹس کے بارے بتایا گیا

بریفنگ میں رئیل اسٹیٹ سے متعلقہ نمائندوں کی شرکت

دبئی (طاہر منیر طاہر) گزشتہ دنوں DHA بھاولپور کی ایک ٹیم نے دبئی کا دورہ کیا اور یہاں رئیل اسٹیٹ سے متعلقہ نمائندوں، بروکرز اور ڈویلپرز کو DHA بھاولپورکے مختلف پروجیکٹس کے بارے بتایا گیا۔

بریفنگ میں عاطف اقبال، یحییٰ یونس، محمد شعیب، سلیم اختر، محمد دلاور، مصطفیٰ، رفعت سرور، محمد ایاز، محمد طفیل، ایاز، خلیل احمد، آصف عبدالکریم، علی زئی، ملک وقاص اور کرنل شہزاد کے علاوہ متعدد لوگوں نے شرکت کی۔

بریفنگ میں بتایا گیا کہ DHA بھاولپور کا پروجیکٹ اندرون اور بیرون ملک مقیم پاکستانیوں کے لئے ایک بہترین پروجیکٹ ہے جس میں بین الاقوامی معیار کی رہائشیں اور کاروبار کے مواقع ہیں،یہاں کی جانے والی ہر طرح کی سرمایا کاری با لکل محفوظ اور نفع بخش ہے۔

اوورسیز پاکستانی DHA بھاولپورمیں رہائش کے لئے جگہ لے سکتے ہیں اور کاروبار کے لئے بزنس ایریا میں دوکان بھی لے سکتے ہیں، اس جدید طرز کے رہائشی منصوبہ میں بین الاقوامی معیارکو مد نظر رکھا گیا ہے۔

متحدہ عرب امارات میں مقیم پاکستانیوں کے لئے دبئی میں آفس بھی قائم کر دیا گیا ہے تاکہ اوورسیز پاکستانیوں کو پراپرٹی کے حصول میں مشکل پیش نہ آئے۔