علامہ محمد صادق قریشی ڈائریکٹر تحریک منہاج القرآن انٹرنیشنل لندن 27 فروری کو آئرلینڈ کا خصوصی دورہ کرینگے
ڈبلن آئرلینڈ(وسیم بٹ ) تحریک منہاج القرآن انٹرنیشنل لندن کے ڈائریکٹر اور گلوبل ایمبیسڈر (MQI) علامہ محمد صادق قریشی 27 فروری بروز اتوار کو آئرلینڈ کا خصوصی دورہ کریں گے ۔
تفصیلات کے مطابق تحریک منہاج القرآن انٹرنیشنل آئرلینڈ کے زیر اہتمام 27 فروری 02:00pm بروز اتوار Midland Park hotel پورٹ لیش میں پیس کانفرنس بسلسلہ شیخ الاسلام ڈاکٹر محمد طاہرالقادری کی 71 ویں سالگرہ پر خصوصی پروگرام کا انعقاد کیا جائے گا جس میں تحریک منہاج القرآن انٹرنیشنل برطانیہ(لندن )کے ڈائریکٹر اور گلوبل امبیسیڈر تحریک منہاج القرآن علامہ محمد صادق قریشی خصوصی خطاب کریں گے۔
اس کے علاوہ آئرش پارلیمنٹرین ،میئرز، کونسلرز،مختلف سیاسی، سماجی و مذہبی تنظیمات کے قائدین و کارکنان اور پاکستانی کمیونٹی کی خواتین و حضرات اور بچے کثیر تعداد میں شرکت کریں گے۔
28 فروری بروز پیر بعد از نماز عشاء جامع مسجد انوار مدینہ 8&9 Talbot Street ڈبلن میں شب معراج کے سلسلہ میں ایک محفل کا انعقاد کیا جائے گا جس میں علامہ محمد صادق قریشی اور امام و خطیب انوارِ مدینہ مسجد حضرت علامہ امام جمیل بھی خصوصی خطاب کریں گے ۔
علامہ محمد صادق قریشی اپنے اس تین روزہ دورے کے دوران تحریک منہاج القرآن آئرلینڈ کے مختلف تحریکی وتنظیمی اجلاس کی صدارت بھی کریں گے جس میں تحریک منہاج القرآن آئرلینڈ کے ایگزیکٹو ممبران اور تحریکی رفقا و اراکین سے خصوصی ملاقات کے علاوہ دیگر سیاسی سماجی اور مذہبی تنظیمات کے قائدین سے بھی خصوصی ملاقات کریں گے ۔
تمام عاشقانِ مصطفیٰؐ سے اپیل کی جاتی ہے کہ وہ ان پروگرامز میں شرکت فرما کر اپنے ایمان کی تازگی کا سامان کریں۔