نیویارک (تارکین وطن نیوز) پاکستانی امریکن کمیونٹی نیویارک کی معروف سماجی شخصیت و ماہر امراض قلب ڈاکٹر جاوید سلیمان کے جواں سال صاحبزادے حسن سلیمان ناسا کاؤنٹی ، لانگ آئی لینڈ (نیویارک) میں ایک کار حادثے میں جاں بحق ہو گئے ۔
حادثہ نیویارک سٹی کے نواحی علاقے لانگ آئی لینڈ میں اولڈ ویسٹ بری میں گلین کو روڈ پر ناردرن سٹیٹ پارک وے پیش آیا۔ بتایا گیا کہ کار ، ناسا کا ئونٹی کی بس سے ٹکرائی جس سے حادثہ پیش آیا ۔
ابتدائی اطلاعات کے مطابق حسن سلیمان مرحوم کی نماز جنازہ جمعہ کو دوپہر ساڑھے بارہ بجے آئی سی ایل آئی مسجد لانگ آئی لینڈ میں ادا کی جائے گی۔پاکستانی امریکن کمیونٹی میں ڈاکٹر سلیمان جاوید کے جواں سال بیٹے کی ناگہانی وفات پر گہرے دکھ اور غم کی لہر دوڑ گئی ہے ۔