یارکشا ئر ادبی فورم بریڈ فورڈ کے زیر اہتمام سیدہ کوثر کے پہلے شاعری مجموعہ کلام ’’عشق لاہوتی‘‘ کی تقریب رونمائی
بریڈفورڈ(رپورٹ:سیدہ کوثر منور)یارکشائر ادبی فورم بریڈ فورڈ کے تحت سیدہ کوثر کے پہلے شاعری کے مجموعہ کلام ’’عشق لاہوتی‘‘ کی تقریب رونمائی ’دی آگرا ریسٹورنٹ‘ میں منعقد کی گئی ۔
اس تقریب رونمائی میں پاکستان سے مہمانِ خصوصی کے طور پہ ڈاکٹر آفتاب مضطر، ڈاکٹر فاطمہ حسن اور افتخار افی نے اپنی شرکت سے تقریب کو رونق بخشی ۔
بریڈ فورڈ کے جاذب نظر منظر آگرہ ریسٹورنٹ میں منعقدہ اس رسمِ اجرا کی تقریب میں پاکستانیوں اور دیگر کمیونیٹیز کی بھرپور تعداد نے شرکت کی۔ اس تقریب کی صدارت محترم ڈاکٹر مختار الدین احمد نے کی۔
یارکشا ئر ادبی فورم کے چیئر مین اشتیاق میر، انکی تنظیم کے ساتھی غزل انصاری، تحسین حسن اور سمیعہ ناز اور دیگر نے بھرپور محنت سے اس شاندار تقریب کا اہتمام کیا۔
اس تاریخی منعقدہ تقریبِ کتبِ رسم اجرا میں مقامی ادبی شخصیات کے علاوہ یوکے بھر سے اعلیٰ شعرا کرام ، سماجی سیاسی اور کاروباری شخصیات کے ساتھ ساتھ کشمیری برادری نے بھی بھرپور شرکت کی۔