ٹورنامنٹ کا مقصد پاکستان میں سیلاب زدگان کیلئے فنڈ اکٹھا کرنا تھا
کرکٹ ٹورنامنٹ میں پاکستان کمیونٹی کے علاوہ مقامی لوگوں کی بھرپور شرکت
مالٹا(انصراقبال بسرا)مالٹا میں سوئی یونائیٹڈ کرکٹ کلب کے زیراہتمام کرکٹ ٹورنامنٹ کا انعقاد کیا گیا اس ٹورنامنٹ کا مقصد پاکستان میں سیلاب زدگان کیلئے فنڈ اکٹھا کرنا تھا ۔
ٹورنامنٹ کا آغاز چیئرمین سوئی یونائیٹڈ کرکٹ کلب خرم خان نےبائولنگ کروا کے کیا۔
اس ٹورنامنٹ میں17 ٹیموں نے حصہ لیا ،اس ٹورنامنٹ کی فاتح ٹیم سوئی یونائیٹڈ کرکٹ ٹیم رہی ،فائنل میچ کے مہمان خصوصی مالٹا پارلیمنٹ کے اراکین (ایم پی) ایوان کاسٹیلیو اور گرام بینسی تھے۔
اس کرکٹ ٹورنامنٹ میں پاکستان کمیونٹی کے علاوہ مقامی لوگوں نے بھی بھرپور شرکت کی اور سیلاب زدگان کے لئے عطیات بھی جمع کروائے۔
ٹورنامنٹ کے اختتام پر چیئرمین سوئی یونایٹیڈ کرکٹ کلب خرم خان نے آنے والے سب مہمانوں کا شکریہ ادا کیا۔