لندن:پاکستان کپ کے فائنل میں لیٹن لائنز نے میورکس کلب کو شکست دیکر چیمپیئنز کا اعزاز اپنے نام کر لیا

چیئرمین TPC ابرار میر نے تمام ٹیموں کو زبردست خراج تحسین پیش کیا

جشن آزادی کے شاندار ٹورنامنٹ میں لندن بھر سے بارہ مضبوط ٹیموں نے حصہ لیا

کونسلر ذوالفقار علی، وسیم رضا، ندیم احمد، ندیم اسحاق، محمد موسیٰ اور طارق گل نے انعامات تقسیم کئے

پاکستانی کھلاڑیوں حسن علی، عابد علی اور حیدر علی کے خصوصی وڈیو پیغامات

لندن ( نمائندہ خصوصی) تیسرے دی پاکستان کپ 2023 جشن آزادی کے شاندار ٹورنامنٹ میں لندن بھر سے بارہ مضبوط ٹیموں نے حصہ لیا جس میں Leyton Lions نے فائنل میں Mavericks CC کو سخت مقابلے کے بعد ایک وکٹ کے نقصان پرشکست دیکر چیمپئنز کا اعزاز حاصل کیا۔

لیٹن لائنز کے کپتان محسن زیب کو پانچ سو پونڈ کیش ایوارڈ، گولڈ ٹرافی اور کھلاڑیوں کو میڈلز دئیے گئے جبکہ میورکس کلب کے کپتان کاشف نقوی کو رنرز اپ کیلئے دو سو پونڈ کیش ایوارڈ، گولڈ ٹرافی اور کھلاڑیوں کو میڈلز دئیے گئے۔ Ewell CC اور The Legends نے سیمی فائنل میں سخت اور دلچسپ مقابلہ کیا لیکن فائنل تک رسائی حاصل نہ کرسکے۔

سلیم یسین نے علی احمد کی باؤلنگ پر شارٹ لگا کر ٹورنامنٹ کا باقاعدہ افتتاح کیا۔ ان مقابلوں کی مقبولیت کا اندازہ اس بات سے لگایا جاسکتا ہے کہ پہلے سال 6 اور دوسرے سال 9 ٹیموں نے حصہ لیا تھا اور اس سال 12 ٹیمیں ایک دوسرے کے مدمقابل تھیں۔ پاکستانی کھلاڑیوں حسن علی، عابد علی اور حیدر علی نے اپنے خصوصی وڈیو پیغامات بھی دئیے جبکہ انتظامیہ میں ابرار میر چیئر مین دی پاکستان کپ کے علاوہ وسیم سجاد، حسان رحمن، ایان محمود اور ثوبان محمود شامل تھے اور الیاس شریف اور محمد شفیق نے ایمپائرنگ کے فرائض انجام دئیے۔

ٹورنمنٹ میں افغان ٹیم کو خصوصی طور پر شامل کیا گیا تاکہ پاکستانی اور افغانی کمیونٹی میں ہم آہنگی بڑے اور کپتان عزیز رحمن کو خصوصی ٹرافی بھی دی گئی۔ وسیم خالد نے بیٹنگ اور باؤلنگ میں شاندار آل راونڈر کارکردگی کا مظاہرہ کیا اور ٹورنامنٹ کے بہترین کھلاڑی قرار پائے اور پچاس پونڈ کیش ایوارڈ کے ساتھ ٹرافی اور سپیشل میڈل بھی حاصل کیا۔

مہمان خصوصی کونسلر ذوالفقار علی، کیبنٹ ممبر نیوہیم کونسل، وسیم رضا وائس چیئر مین EELCL، ندیم احمد ڈائریکٹر ABS نے جیتنے والی ٹیموں میں کیش ایوارڈز اور ٹرافیاں تقسیم کیں۔ کونسلر ذوالفقار علی نے تمام ٹیموں اور ٹورنامنٹ آرگنائزرز کو مبارکباد دی اور کہا کہ ہمیں نسل پرستی کو شکست دینا ہوگی اور آگے بڑھنا ہوگا۔ ہمیں برطانیہ میں اپنا اپنا کردار ادا کرنا ہوگا اور نوجوان اپنے ٹیلنٹ بدولت معین علی اور عادل رشید کی طرح اپنا مقام حاصل کرسکتے ہیں۔ انہوں نے کہا مجھے آج کے مقابلے اور فائنل دیکھ کر بہت مزہ آیا اور ٹیمیں خوب جان لڑا کر مقابلہ کررہی تھیں۔

وسیم رضا وائس چیئر مین EDLCLنے سلیم یسین چیئرمین EDLCL کی نمائندگی کرتے ہوئے کہا کہ میں تمام ٹیموں اور بلخصوص چیمپئنز اور دوسرے نمبر پر آنی والی ٹیموں کو مبارک دیتا ہوں اور انتظامیہ نے ٹورنامنٹ کی کامیابی کیلئے بہت محنت کی اور بارش کے باوجود ٹورنامنٹ مکمل کرلیا۔

ندیم احمد ڈائریکٹر ABS نے رنرز اپ Mavericks CC کو کیش ایوارڈ، ٹرافی اور میڈلز تقسیم کئے۔ چیئرمین ECCL ندیم اسحاق، عبدل صمد موسی سیکرٹری GMCL اور طارق گل سابق PCC کھلاڑی نے بقیہ دس ٹیموں میں پاکستانی جھنڈے والے برونز میڈل تقسیم کئے، یاد رہے کہ ٹورنامنٹ کی ہر ٹیم کو میڈلز دئیے جاتے ہیں چاہے کوئی ٹیم ایک بھی میچ نہ جیت سکے۔ چیمپئنز Leyton Lions، رنرز اپ Mavericks CC کے علاوہ Becontree Homes, Ewell CC, London Media-1, London Media-2, London Stallions, Pakhtoon Cousins, Prince CC, Sheikhu Strikers, Sialkot Lions and The Legends کی ٹیموں نے بھرپور حصہ لیا اور تین ٹیمیں سرے، فیلتھم اور ویمبلے سے آئیں۔

سابق فرسٹ کلاس کھلاڑیوں، سنئیرز اور ابھرتے ہوئے نوجوان کھلاڑیوں نے چھکے اور چوکوں کی خوب بارش کی۔ Becontree Home, London Media-1, Prince CC اور Sheikhu Strikers نے ایک ایک میچ میں کامیابی حاصل کی۔

ٹیموں نے پاکستان زندہ باد کے نعرے بھی لگائے اور اسطرح کے ٹورنامنٹس کو زیادہ سے زیادہ منعقد کروانے پر بھی زور دیا۔ ابرار میر چیئرمین TPC نے تمام ٹیموں کو زبردست خراج تحسین پیش کیا اور مزید بہتری کا عزم بھی دہرایا۔ انہوں نے سلیم یسین اور ندیم احمد کے تعاون کا بھی شکریہ ادا کیا اور اپنی نوجوانی انتظامیہ کے ممبران کی بھرپور محنت کو بھی سراہا۔