پاکستانی کمیونٹی فورم آسٹریا سکالرز ونگ کے زیر انتظام ’’پی سی ایف اے سکالرز میگزین‘‘ کی تقریب رونما ئی
ویانا(تارکین وطن نیوز)پاکستانی کمیونٹی فورم آسٹریا سکالرز ونگ کے زیر انتظام “پی سی ایف اے سکالرز میگزین” کی تقریب رونما ئی ویانا کے مقامی ہال آفروایشیاء میں ہوئی ۔ تقریب کے مہمان خصوصی سفیر پاکستان جناب آفتاب احمد کھوکھر اور کمیونٹی آفیئرز کے کونسلرہمایوں بشیر جویا تھے۔
میگزین کے ایڈ یٹر ڈاکٹر سید زوہیب اور ڈ اکٹر مدثر ممتاز ورک نے اپنے خطاب میں میگزین کی اہمیت اور اس کے اغراز و مقاصد پر روشنی ڈالی اور کہا یہ میگزین نہ صرف آسٹریا بلکہ پوری دنیا میں موجود اورسیز پاکستانیوں کی آواز بنے گا اور پاکستان میں موجود ٹیلنٹ کی عکاسی کرے گا۔
ایڈیٹرز کا کہنا تھا کہ ہماری کوشش ہوگی کہ ہم ہر دوسرے مہینے اپنا نیا ایڈیشن لانچ کریں۔ تقریب میں موجود ایورپین پراجیکٹس پر کام کرنے والے قیصر مقبول، آ ئی ٹی ایکسپرٹ نوؤمیر راؤ ، بزنس اور ویمن پراجیکٹس پر کام کرنے والی عائشہ احمد نے تفصیلی پریزنٹیشن د ی۔
صدر پی سی ایف اے ندیم خان نے میگزین پرکام کرنے والے تمام سکالرز کی سر جوڑ خدمات کو خراج تحسین پیش کیا اور اس عزم کو جاری رکھنے پر زور دیا ۔
سفیر پاکستان آفتاب احمد کھوکھر نے پی سی ایف اے سکالرز ونگز کے اقدامات کو سراہتے ہوئے کہا کہ ایمبیسی آف پاکستان ہمیشہ اپنے پاکستانیوں کے مسائل کو حل کرنے میں ہمہ تن کوشاں رہتی ہے اور ہر ممکن تعاون کے لیے تیار بھی۔ آخر میں پی سی ایف اے کی قیادت کی طرف سے میگزین ایڈٹرز کو سفیر پاکستان کے دست مبارک سے اسناد دی گئیں۔