سٹاک ہوم (نمائندہ خصوصی/عارف کسانہ) دنیا بھر میں رہنے والے پاکستانی اپنے وطن عزیز کا یوم آزادی نہایت جوش و خروش کے ساتھ مناتے ہیں۔
اسی سلسلہ میں سویڈن کے دوسرے بڑے شہر گوتھن برگ میں ایک شاندار تقریب منعقد ہوئی جس کا اہتمام سوی پاک ایسوسی ایشن نے کیا۔
اس رنگارنگ تقریب میں خواتین اور بچوں کی کثیر تعداد نے شرکت کی۔ تقریب میں بچوں نے نے ملی نغمے، ٹیبلو اور تقاریر سے خوب سماں باندھ دیا۔
شرکاء نے تحریک پاکستان کے بارے میں سوال جواب کے مقابلے میں بھرپور حصہ لیا۔
سوی پاک ایسوسی ایشن کے چیئرمین خرم کیانی نے کہا کہ ہم آئندہ بھی اس طرح کے پروگرام منعقد کراتے رہیں گے۔