نمائش سے تجارت اور سرمایہ کاری میں عملی تعاون کا مزید فروغ
بیجنگ (ویب ڈیسک) ساتویں چائنا انٹرنیشنل امپورٹ ایکسپو سی آئی آئی ای 10 نومبر کو اختتام پذیر ہوئی۔ اعداد و شمار کے مطابق موجودہ ایکسپو نے نتیجہ خیز ثمرات حاصل کیے ہیں۔ سالانہ اعتبار سے ارادے پر مبنی تجارتی حجم 80.01 بلین امریکی ڈالر سے تجاوز کر گیا ، جو پچھلے سیشن کے مقابلے میں 2.0 فیصد زیادہ ہے۔
129ممالک اور علاقوں سے 3،496 نمائش کنندگان ایکسپو میں شریک تھے ، جن میں سے دنیا کی ٹاپ 500 کمپنیوں اور صنعت کے معروف کاروباری اداروں کی تعداد ریکارڈ سطح پر پہنچ گئی ہے ، اور 186 کمپنیاں اور ادارے مسلسل ساتویں سی آئی آئی ای میں شریک ہوئے ہیں۔ 450 نئی مصنوعات، نئی ٹیکنالوجیز اور نئی خدمات کی پہلی نمائش کی گئی۔ قومی نمائش کو دوبارہ اپ گریڈ کیا گیا ہے ، جس سے تجارت اور سرمایہ کاری میں عملی تعاون کو مزید فروغ ملا ہے۔
سی آئی آئی ای کے باہر ، چین کی جانب سے کھلے پن کی پالیسیوں کا ایک سلسلہ پوری دنیا کے لئے بھی خوشی کا باعث بنا: 8 نومبر کو ، چین نے ویزا فری "دوستوں کے دائرے” کو وسعت دی اور سلوواکیا اور ناروے سمیت9 ممالک کو ویزا فری پالیسی کی سہولت مل گئی۔ چند روز قبل چین کے مینوفیکچرنگ سیکٹر میں غیر ملکی سرمایہ کاری پر عائد تمام پابندیاں ختم کر دی گئی تھیں۔ یکم دسمبر سے چین غریب ترین ممالک کو ٹیرف لائنز کے تحت 100 فیصد مصنوعات کو زیرو ٹیرف ٹریٹمنٹ بھی دے گا۔
ساتویں سی آئی آئی ای کے دوران جاری ہونے والی ورلڈ اوپننیس رپورٹ 2024 کے مطابق 2023 میں ورلڈ اوپننیس انڈیکس میں سال بہ سال 0.12 فیصد کمی آئی جو 2019 اور 2008 کے مقابلے میں بالترتیب 0.38 فیصد اور 5.43 فیصد کم ہوئی۔ اس کے برعکس 2008 کے مقابلے میں 2023 میں چین کے اوپننیس انڈیکس میں 11.89 فیصد اضافہ ہوا، جو دنیا میں سب سے زیادہ ہے۔
اس وقت بیرونی دنیا کے لیے چین کے کھلے پن کے سلسلے میں سی آئی آئی ای اور ویزا فری پالیسی اس کا حصہ ہے، جس سے چین کو عالمی معیشت کے ساتھ زیادہ گہرائی اور وسیع پیمانے پر ضم ہونے کا موقع ملتا ہے۔ کھلاپن چینی جدیدیت کی واضح علامت ہے، اور یہ ایک نایاب چیز بھی ہے جو چین دنیا کو فراہم کرتا ہے. چین کا کھلا پن اور اشتراک ہر غیر ملکی کاروباری فرد اور غیر ملکی انٹرپرائز کو فائدہ پہنچا سکتا ہے۔