پاکستان،عالمی برادری کیساتھ مل کر افغان عوام کو معاشی بحران سے نکالنے کیلئے کوشاں ہے، شاہ محمود قریشی

میڈرڈ(نمائندہ خصوصی)علاقائی سلامتی اور روابط کے فروغ کے لیے پرامن اور مستحکم افغانستان انتہائی اہمیت کا حامل ہے یہ بات وزیر خارجہ شاہ محمود قریشی نے میڈرڈ میں اسپینش کانگریس کے فارن ریلیشنز کمیٹی کے اراکین سے ملاقات میں کہی ، دوران ملاقات پاکستان اور اسپین کے درمیان دوطرفہ تعلقات کے مختلف پہلوؤں پر تبادلہ خیال کیا گیا۔

Constructive session with Spanish Parliamentarians & members of Foreign Relations Committee of Congress of Deputies. Discussed:

➖???? bilateral relations, regional & int’l developments
➖Greater Parliamentary exchange
➖ The imperative for peace & stability in Afghanistan. pic.twitter.com/nvcGWAcpeu

— Shah Mahmood Qureshi (@SMQureshiPTI) January 11, 2022

وزیر خارجہ شاہ محمود قریشی نے کہا کہ پاکستان، عالمی برادری کے ساتھ مل کر افغانستان کی صورتحال کو بہتر بنانے اور افغان عوام کو معاشی بحران سے نکالنے کیلئے مسلسل کوششیں جاری رکھے ہوئے ہے۔

شاہ محمود قریشی نے کہا کہ پاکستان نے افغانستان میں عدم استحکام کی بھاری قیمت چکائی ہے، ہمیں ماضی کی غلطیوں سے سبق سیکھتے ہوئے افغانستان میں قیام امن کے میسر موقع سے فائدہ اٹھانے کیلئے مشترکہ کاوشیں بروئے کار لانے کی ضرورت ہے۔

افغانستان میں عدم استحکام نہ صرف پاکستان اور خطے بلکہ سب کیلئے خطرے کا باعث بن سکتاہے، وزیر خارجہ نے افغان شہریوں کو درپیش انسانی المیے سے نمٹنے کے لیے عالمی برادری کی جانب سے موثر اور ٹھوس اقدامات کرنے کی ضرورت پر زور دیا۔